網誌分類：工件趣事 |
~唉..近排都唔知搞乜，向公司成日都心不在言
，根住當然係做錯野啦..每當自已粗心大意做錯野
，反而咁樣增加咗嘉琳及麗姐既工作量
，我個心都幾唔舒服架...因我唔想向公司上帶俾人既付擔..
..我都想慢慢咁向嘉琳及麗姐身上學習到點樣獨立咁處理客戶電話既需求..但唔知點解我連一D好簡單或好易解決既野我都處理唔好
...我好唔開心呀..心情好DOWN
咁繼續做野到收工...有時自已都覺得公司有無我都無特別影響
..慘!!我都有俾心機出黎學野架
..唔知係咪自已學習得慢定係自已蠢..都做咗成年半啦...自問我好似一D都學唔到點報價及打報價單，連雲石既顏色都唔太認得係邊個牌子..
..唉~我自已都唔想架 ..我都忟憎自已
點解連睇一張圖紙點計出枱面呎數、基本枱面要留意既野我都唔識點答個客呀..我都係時候要反醒自已既公司表現
及細心咁留意嘉琳及麗姐平時點處理個客問既野
...唉~有時心諗係咪我唔太啱
入呢行做，定係時候開始搵定工走
....有時返到公司真係對人歡笑背人愁..點解咁講...未做錯野對人笑吓有乜所謂
..但到做錯野咪又要傻笑咁講聲SORRY及快快搞番掂個錯處
...當一返到自已個位咪心情勁DOWN及呆吓呆吓咁繼續做....有時有突發既野發生我又唔識得點處理
及有時佢地問我又問非所答
...難免會聽到一D嘲笑既說話
...有時當兜口兜面俾人咁講及笑個心都幾HURT....好快就諗出黎做野點都會受D氣架啦
...鬼叫自已窮唯有頂硬上... ~ <凸...
新影像(2).JPG
新影像1(4).JPG
07022009_002.jpg
小精靈 ^^ 2009-11-06 00:38
mango 2009-11-05 23:01
你好 ！ 我是第一次留言給你。
你以上所講我都有發生 ， 還要看別人的面色， 但我又不想為了這些 而離開， 所以唯有 “just do it"