慶祝bb生日-迪迪尼

真的好累好累....由於上次bb入院, 我已經一次咁將我d假超支晒, 由20號到今日仙朽假放, 因為今日我地為bb慶祝2歲生日, 爸爸book左迪迪尼樂園day pass, buffet & hotel room , 好開心呀..原本預埋婆婆同表姨媽, 點知唔記得婆婆教會要籌款, 要去參加舞台劇, 就得返我地3個去了....

10點半鐘過醫院放低bb小便去驗, 下星期兒科覆診睇報告, 緊住就去喇....大約12點幾就去到....間酒店真係好靚呀....乳牛仔都開心到走黎走去, 相信呢d真係每個父母見到最開心的....我地晌酒店兜左個圈就過左樂園果邊喇...今日好曬好熱...去cityhall令左個生日襟章, 真係好多哥哥姐姐比貼紙bb呀....去食野..重有個哥哥送左杯雪糕比乳牛仔添呀~~

食飽野...睇到巡遊....我地襯呢個時間即刻去左兒童樂園果邊玩晒先....中途唔記得bb要食又要午睡....佢有dd唔耐煩了...唯有抱住佢訓左幾個字先, 訓醒再去食hot dog...跟住玩多陣去睇煙花...中途爸爸媽媽重各自可以攝到少少時間去玩左個space mountain, 正~乳牛仔唔多like睇煙花, 聽到澎澎聲都嚇到喊...咁唯有閃人....

返去沖左涼, 就去食buffet, 好緊張架...今晚有迪迪尼朋友同bb唱birthday song架....一路都諗緊唔知乳牛仔會鍾意米奇定阿pooh...原來無阿pooh的....乳牛比較特別...竟然like跳跳虎, 今晚食物一d特別都無, 不過唔難食o既, 3,400蚊一個5星級酒店buffet...算ok啦...我地排到10 點仙可以切蛋糕...好似有d夜....亦發現原來周圍d人都多數慶祝生日的...所以都無乜驚喜lu....跳跳虎黎度唱歌...乳牛仔訓到熟晒...結果..係爸爸媽媽抱住一隻訓左覺o既乳牛仔黎代佢吹蠟燭的....都ok開心丫.....

今日bb真系好累呀...夜晚訓覺時都有喊的......

希望bb開開心心~~

相未整好呀...sorry..盡快補上~~