凍天好攪作

      天寒地凍，唔想出街食西北風，最好喺屋企翻個厨房嘞！乘機

做下熱身運動，唔洗越坐越凍。

首先，因為呢幾日天氣乾躁，所以晨早買嘢煲湯潤下，每逢天氣乾躁

，我一定諗起呢個湯。

西洋菜、鮮陳腎、紅蘿蔔、栗子煲豬踭。本來加埋生魚仲正，但整生

魚太麻煩，而家咁煲都好~~好飲！

無喇喇！好想食五香茶葉蛋，于是想食就即做，但買唔到靚紅茶葉，

所以整出嚟唔夠香。

睇見 blog 友 C.Terryma 整個南瓜軟心曲奇，一見話軟心，真係好想

整嚟食，于是馬上去買咗半邊南瓜，一包提子乾。諗住即刻整嘅，

可能自己呢排有 d 唔開心，買完冇心機整。今日終於整到出嚟嘞！

真係好神奇，竟然外面鬆化，裡面軟綿綿。我平時唔係咁鍾意食曲

奇嘅，都覺得非常好食。因為我好怕玉桂粉味，所以我改落杏仁油，

但都好香喎！雖然整出嚟個樣差 d ，但好好食啊！

~~多謝C.Terryma提供整法~~

天寒地凍，最好就係進補嘞！唔洗做，又有得補，就最好不過喇！

呢煲就係羊腩煲，係我契女揾人炆比我食，而炆嗰個係做厨房嘅！

所以好食到唔停得口。呢個契女算唔話得，知道我鍾意食，就叫人

炆咗三斤羊腩，話等我食夠本喎！

呢度已經係食剩嘅，因為大官無返嚟食飯。所以仲剩成鍋，睇怕我

有三年都唔想食囉！因為食驚咗！