西安行

喺七月中因公事去咗一趟西安同北京，

依篇Blog係講下喺西安時嘅見聞。

七月十二號由廣州飛西安，

到步後，

西安友人帶我哋去咗一間老字號餐廳"老孫家" 食羊肉泡糢，

要自己用手將一塊類似薄餅嘅東西，

搣成碎塊放入碗裡面，

完成後就交俾服務員等佢加湯同其他配料，

我就覺得呢碗嘢嘅味道麻麻哋，

無想像中咁好食。

食完地道嘢之後，

西安友人帶咗我哋去西安地標"大雁塔"

大雁塔係唐代高僧玄奘存放經卷嘅地方.....，

大雁塔嘅前方，

有個號稱全亞洲最大嘅音樂噴泉，

真係好大，足有幾條街咁大，

每晚定時會有一場免費表演，

都算幾好睇.....。

離開大雁塔之後去咗喺鼓樓附近嘅回民小食街，

首先試咗下面呢檔清真小吃，唔知叫乜嘢鏡糕嘅嘢食，

食落好似米糕，甜甜哋... 幾好食下。

行行下就去咗一間回民串燒店度食宵夜，

食咗好多串羊肉同埋飲咗好多支啤酒，

唔知係咪飲咗好多啤酒嘅關係，之後唔覺有熱氣...。

留喺西安兩日一夜，

再由西安飛北京.....。

***