新北京

七月十三號由西安飛北京，

大約在下晝嘅五點幾到達北京首都機場，

北京友人於機場接我和同事到酒店，

未嚟北京之前已聽聞北京塞車好厲害，

由機場至酒店原本只需約二十五分鐘嘅車程，可能係啱啱撞正放工時間，

我哋足足用咗差唔多接近兩個鐘先到達酒店，北京真係太多車喇..........。

第二日，將公事辦妥後，

就同同事首先去咗天安門廣場行下...........，

由呢個角度望埋去後面嘅建築物係人民大會堂，

前面係人民英雄紀念碑，

下面係毛主席紀念堂，

再望遠啲就見到天安門城樓，

見到下面呢個景，要唱番首國歌喇....................，

穿過天安門城樓，再往前走，就係故宮(故宮博物院)，

果日係好曬同幾熱下，

不過一去到有遮暗嘅地方，就感覺好暗涼一啲都唔熱架....，

故宮好大，一路向前走，城樓一個接著一個，好似行極都未完咁........，

喺故宮不停咁行咗個半鐘，都幾攰下，

之後坐三輪摩托車去咗王府井大街度行咗一陣，

因為太攰，所以就返酒店休息下先。

下面就係住咗兩晚嘅"北展賓館"，

因為近北京友人嘅公司同屋企，所以佢幫我哋訂咗呢間酒店。

同北京友人食完晚飯，佢帶咗我哋去睇下鳥巢同水立方，

夜晚睇鳥巢真係幾靚，

水立方真睇好似縮咗水咁，喺電視影出嚟好似感覺大啲........，

經過奧運之後，依家北京多咗好多新嘢同新景點，

唔駛再一味淨係睇番啲舊嘢喇.....。

***