Be a 師奶仔。。。

Last Summer Vacation啦！！！

雖然仲有一年先畢業，但系我哋D理論課已經全部學完啦～～

接下來系半年嘅實習期，同好多同學仔都要半年後再見啦，所以臨走見到好多同學仔攬埋一舊。。。

7月初的時候，對面宿舍樓嘅師姐們全部畢業走晒啦，所以成棟樓都黑晒。。。

明年，就到我哋啦。。。

其實上個月開始，我已經分擔咗屋企好多家務，洗碗，買餸，煮飯。。。

短短2個月的零網絡生活，令我覺得人生唔可以浪費太多時間系網絡上，脫離咗網絡，原來我都可以愛上圖書館，愛上睇書，愛上煮飯，愛上買餸，愛上做師奶。。。

翻屋企後嘅第一次買餸我去咗JUSCO，買咗好多野，不過多數都系瓜瓜菜菜，竟然用咗我成百蚊，雖然水災過后好多蔬果都貴咗，但系經驗話比我知，系JUSCO用4蚊買到5條不足一斤嘅日本黃瓜仔，系普通菜市場竟然可以買到6斤普通大黃瓜！！！做師奶仔仲有好多野要學，講價系一門重要學問，我竟然頗有天份，最大成就感系，我竟然可以用10蚊買到18隻山竹。。。哈哈。。。

陳sir煮餸真系好好食，但系我就硬系遺傳唔到。。。哎。。連我覺得我嘅拿手好菜——番茄炒蛋，陳sir都話唔合格。。。

不過唔緊要啦，我仲可以慢慢學，宜傢真系好enjoy早上出去買餸，中午翻屋企自己煮野食嘅日子，連媽咪都話我乖咗啊！！！不過好驚自己3分鍾熱度啊，神啊，到我真正做師奶個陣先比我慢慢發揮啦。。。