飛機維修區

繼續post返一些較早前影的照片，這輯相大約係兩個多月前影，比SKYDECK那次還要早，亦都係小弟第一次去機場影飛機

其實當天本是想去SKYDECK的，亦好多謝Tim哥帶路，去到機場食完午餐之後，準備上Skydeck時先知道原來當日Skydeck有活動而唔俾人上去，真係即時有少少失望，話晒第一次入機場影相就遇到d咁既事...

幸好自己都有上開一些攝影的forum，都知道機場除咗Skydeck外還有另一個攝影的景點，咁就唯有轉一轉目的地去飛機維修區la~ 原來由客運大樓過去維修區都幾唔方便，雖然好近，但係中途需要轉車，而且等車時間都唔短，入到維修區已經是下午五時左右了，真係搭車都搭到有點倦意...... 不過一落車就即時被眼前廣闊的景色吸引住了，這裡十分平靜，而且空氣好，最吸引之處係因為接近跑道尾而可以不斷見到飛機起飛，感覺一流呀~~

地方都算好廣闊，感覺都幾舒服~~

這個位置真係好正，有些飛機可能會較遲爬升，到這裡時都不會太高，其中一次有一架747飛得好低，震耳欲聾的引擎聲就在頭頂好近既位置經過，真係非常震撼~~
可惜當日既大機只到夜晚才出現，未天黑前可以俾我影既就只有這些(機仔).....

這亦是很多攝影發燒友喜歡影日落的位置，可惜當日天氣唔算太好~

天開始黑，又係玩長曝既時候，但原來我部機既CMOS都幾多塵，這張相光圈收到f/13，就已經開始見到有少少塵了...

除咗影車既光軌，仲玩埋飛機既光軌，原來佢d閃燈會形成一些沿住條光線既光點，又幾得意喎~~