20080329 Red Comet @ Wedding Ceremony

　　去到泊好車就去搵間教堂，不過我唔記得帶果張請柬，冇左張地圖，惟有慢慢搵，好彩都搵得到。入到去簽左名就去搵新郎哥Ａ先生影相，Ｓ先生就係伴郎。真係估唔到咁多個小學同學之中佢會跑出（雖然響佢之前已經有１個女同學結左婚，同埋有個就黎結婚），不過結得成婚都唔會係倉卒既決定，而且佢一向都好有計畫，所以都係戥佢高興既。

　　婚禮既儀式進行前，我一直響到搵下有ｄ咩朋友仔都有黎，結果只係見到Ｊ先生，於是我地坐埋一齊觀禮。儀式完成左等影合照時，我地先有機會講下自己既近況。到影相時發現原來重有個中學同學Ｔ小姐都有黎，我好驚訝，因為照我既記憶，佢地好似冇同過班，後來傾開先知佢地預科時係同學，而且都係當時戲劇學會既會員，果時我都俾學校踢走左，唔怪之得我冇印象啦。－．－

　　我同佢地傾下傾下，原來已經過左差唔多２個鐘，我即刻撲返去架車度入錶，之後再過橋跑去西鐵站，因為之前約左Ｍ小姐響度俾返張ＳＤ卡我，但因為佢電話ｃｕｔ左，所以我叫佢到左打俾我。好可惜，我去到時已經遲左半個鐘，鬼得閒等我咩，結果都係拎唔返張卡。都係自己衰，明知自己一吹起水上黎就停唔到就睇住時間嘛，今之重唔領野？－．－

　　響無可奈何既情況下，只可以返過去教堂呢邊搵野食，之後去左個ｆｄ既槍會吹陣水就返屋企。