規則：當你比人tag左，就要寫一篇note，內含16項有關你的事情，習慣，喜好，目標或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。
1. 雖然我出街唔化妝唔得,我唔覺得自己貪靚
2.有一份唔腳踏實地嘅工作,四海為家
3.啲衫褲袋多個衣櫃關唔到門,但從來唔覺得自己係天生購物狂,只覺得衣櫃太細
4.努力返工,密密搵錢,落力買嘢,以保持自己有 independent and quality life 為目標.
5.愛街邊魚旦,愛煎爙三寶,愛BBQ味卡樂B,愛家中小luck子,更愛朋友同家人
6.我好鍾意講嘢,諗到咩就講咩,有時會九唔搭八.曾經失聲三日,猶如失去四肢.
7.希望可以再瘦啲瘦啲瘦啲瘦啲...
8.希望可以再靚啲靚啲靚啲靚啲...
9.返工要坐飛機,放假都要坐飛機,其實放假想留响屋企,又想用盡公司福利,好矛盾
10.缺乏安全感,瞓唔慣大床,晚上在公仔堆中瞓覺
11.我怕黑又怕鬼,謝絕一切鬼片彊屍片,睇到promotion trail 都唔得,有時會响酒店驚到要開燈瞓覺
12.舊年終於去咗埃及旅行,雖然行程辛苦,又晒又熱又食唔飽又唔夠瞓,但好enjoy紅海boat trip,感激有buddy(Tracy)陪伴.
13.曾經到日本生活個半月,學識照顧自己,雖然有笑有淚,感激大家同我慶祝生日,好開心認識同一大班JAL同期.從不後悔在日航花了三年光景,因為响呢三年裡,所學到的比中學大學的多,仲認識到一大班好朋友
14.唔知點解啲人總覺得空姐=蘭桂坊=貪慕虛榮,唔好問我係咪去開喜喜,Sugar,BeijingClub,Volar,我諗任何一個遊客都比我熟老蘭.
15.去過日本,泰國,新加坡,印尼馬來西亞,台灣,菲律賓,大陸,韓國,印度,斯里蘭卡,巴基斯坦,巴林,越南杜拜,多哈,南非,埃及,美國,加拿大,澳洲,英國,意大利,德國,荷蘭,捷克,墨西哥,大部份都係走馬看花,希望有多啲時間認識呢個世界.
16.感激身邊有一大班默默支持自己嘅朋友,家人.
多謝觀看!
