一月一，是時候回顧了！

一月一啦，黎一年黎講，真係我既一生中令一個改變，對上一年，我重係一個高中生，會考之後讀左毅進。。。

一月-->讀左毅進課程已經有一半時間，得個‘忙’字，忙交功課，晚晚七點幾先由學校坐車番屋企，一個月之內交十份報告，重要一組有五個人得兩條友做野，漸漸我終於明白到原來黎個世界有D咁人渣既道理

二月-->新年都無停過，無停過唔代表利是多，無停過既原因功課無人做，拜年的利是比往年少

三月-->功課仍在，晚晚得我同小媚開OT，被0601同學選為實習日的統籌籌備實習的節目，排話劇，三月係旦生日，又係十八囉！

四月-->人際個段片已經踏入拍攝階段，又係得個做字，拍攝當日係小媚生日！個日係佢十八歲生日，同佢開左個小型生日會，從來無人咁同我開。。。

五月-->二十一日係妹既生日，同佢係教會開左個小小小型生日會，得一個蛋糕但我相信佢都好開心囉！開始考試。。。

六月-->考試考到我又發燒又病，病到死咁一跟包雲吞一路考。。。二十九日係我既二十歲既生日，過去個年係北京過生日，重有個五旁蛋糕，廿人同我慶祝，今年都唔差有劉劉同我過，不過我係我今年既生日當中，我認真地認識到我以前一個所謂朋友貪小便宜既真面目！

七月-->十年回歸，回歸當年我剛剛十歲，黎十年裡面的確發生左好多事，有開心，有唔開心，不過最令我開心既都應該係我搬家，令到我認識到更多野，認識到一班好好既小學同學倩雯、候子、裕、輝、倩儀，識到一個好錫我既三個老師，羅主任，莫主任，李生，三個老師中李生都退休了，羅主任升了做副校這班小學同學，老師都是小五小六的他們帶給我們好多歡樂，很多回憶，我這輩子也不會忘記朱下所帶給我的。

八月-->收到一個朋友既消息，佢做左點我極唔鐘意既野，我講過我唔會再理會黎個人，會考放榜，碧玉升到中六不過英文尚要努力，丘丘高左一分，青蛙最勁三十分，某人打比我話我知佢唔得，問我點算，比我鬧到佢上天花板，我問佢黎一年做過點咩，佢完全無反應！唉。。。佢已經好明顯比人鬧到傻左！

九月-->可以話係我黎世人中，最變得大的時間，就是九月筠筠打比我話馬鞍山B仔記請人，叫我去IN，當時諗青年大使，好少錢架炸喎，但當時又無事幹做，唯有去試下啦，IN個時係JEN同我IN既，個時開始我好欣賞黎個人，九月八佢打比我話叫我十月番工，噢，開心死，錢少唔打緊，最緊要有工做！

十月-->八日第一日番工番兩點放一點，初頭都唔太識人，最熟既都係以前係乙明個圖書館既LEO囉，哈，之後過左兩個禮拜到點人都熟左，重玩得好埋好癡，黎個時候正正係我地三傻最開心既時候。

十一月-->工作工作，同埋工作，最特別既係JEN要我跟一份奧運既報告，噢，但到以家重未搞掂囉！

十二月-->BOBO番番富安，三傻從此變成二傻，我同草草既誤會，搞左好耐，係大家講清楚既程況下冰釋前疑，無事，但一浪接一浪，到我同BOBO，如果你問我點解，我會話少左見，就係咁，亦都一樣係你唔識理解人家感受，當然寫野係自己個BLOG到無問題，但需要每個人同你講的每一句說話，每一樣東東都寫出來嗎？我不是想管你，但你可有想過你的BLOG是公開的嗎？可有想過人家看了你的BLOG的感受嗎？。。。今年聖誕比往年一樣係屋企牛臭，無出去，但個心裡有點不安，因為這陣子因某些事令我訓唔著，令我很擔心！