西營盤的情意結(9)

                     ***大街小巷***

西營盤話大吾大,話細吾細,先黎睇下厘舊係嘜,似吾似別墅亞.睇下門口個標誌,估吾估到係嘜.

我諗有好多人平時行過都吾會停低專心睇清楚的.

厘張呢,仲未估到牙,

開估..............係香港大學.睇怕佢都有100年囉.

後面果支野睇落幾似尖沙咀鐘樓亞.講起鐘樓,原本成個歐州式火車站,仲要古典果隻,靚到飛起.

係般咸道有條巷仔行落高街嘅,半山區真係吾同,巷仔都乾淨過人.

跟住睇下厘條聞名港九新界,老人小孩行到喘氣嘅東邊街.帶你由頭行一次,等你感受下.

厘度係最高點.有冇諗過如果跌左個足球落去會點.實追死你.

睇真D個斜路有幾斜,盡頭有幾遠.第一個街口係高街即係第四街.

第三街口.

第二街口,右邊是醫院道,即係我返小學時的路.

第一街口.以前位於醫院道的贊育醫院仍是產房時,就見很多大肚婆行上行落,幾咁辛苦.

過了大道西,回頭望番上去.

過了大道西的東邊街已是平路,前面就係電車路德輔道西,再前去係干諾道西,從前已是海邊了,但現在已填海,之後多了個西隧入口,公園及體育中心.咁就行完喇.

行過D睇下,厘條係西邊街,右邊係7號差館,中間係裁判處.行上去半山都吾野少架.

貴香街,好靜下喎.

梅芳街,今天看來很寧靜,街道亦很乾淨.左右兩邊有個花園,前些少的左邊有個空地.80年代是熟食中心,最記得裏面有檔賣牛雜粥,原汁原味,結束後已不曾食到.

其實在6-70年代,這裏是很熱鬧的,兩邊都是唐樓,兩旁都是木搭的檔口,成條街都係做咸魚批發及零售.果D咸魚氣味傳遍整條街,做買賣的人,來來往住,很是繁盛.但是到了90年代後慢慢變成今天的樣子了.

屋旁的印記話比你知,曾經有間尖頂瓦片的唐樓曾在身旁.

後欄景象,新舊對比.

香港精神式的後欄,突顯港人克服逆境的能力,

花了很多精神至寫至厘一篇,很攰,要停一停,將來有靈感的話至繼續吧!多謝收看.