忙碌時期

好耐冇update個blog喇~懶只係其一,工作忙先係最大既原因~~

今個season已經開始,踏入秋冬季,工作都會比春夏季吃力,天氣熱唔在講啦而貨都比較重,所以辛苦班兄弟姊妹喇~至於我呢!哈哈變身做八爪魚囉!發晒癲咁打字~~總之一句"唔好比佢停" ^^"

早兩日同個客黎個有趣對話-內容如下~~

客: 喂~frankie吖唔該

我: (認真地)係我係~有咩幫到妳

客: 喂..把聲可唔可以唔好咁衰呀~我唔係想講認真野喎!

我:我認真又唔岩..好難服士啫小姐~~

客:咁至係架嘛..依種語氣先似妳架嘛~

我:咁都得...玩野呀?

客:哈哈...係咪唔玩得先...睇妳個樣都係玩得果隻~

我:都係架...不過工作上既野都係認真d好..話晒妳都係客嘛..

之後講咗一大輪都入唔到正題..佢仲唔記得打黎係想講咩~~哈哈吹脹

不過話說回來,我做過咁多客都可以同佢地談笑風生,其實真係幾好架..起碼可以令沉悶既工作上多d樂趣啦~~

昨晚同老友出街睇戲,先後見下佢地兩個既疑似追求者....嗯.....兩個都問我點睇..而我就話而兩個都唔睇好..因為佢地兩個都唔係妳地杯茶,妳地自己想要咩,自己最清楚啦~~

散場後又比人屈請食甜品..唉..冇計啦!佢地一句話唔請我就話比某某聽~聽到即刻驚到銀包都要攞出黎啦~

接住去打桌球,哈哈..我都仲得得地架