網誌分類:唱一首好歌 |
圖片
網誌日期:2009-11-02 02:29
富貴榮華 - 鄭少秋主唱
無線電視劇「富貴榮華」主題曲
為個口 搵兩餐飯 已經一世多牽掛
做到足 天天猛追逐 唯望有時鬆番吓
未怕苦 死搏點話 我肯一切犧牲吓
盡去谷 始終會舒服 成日咁捱都不怕
心中亦望(永遠也有美夢)
富貴榮華(數不清的身家)
卻也不奸詐作假
我願努力去做(搏到夠晒努力)
乜野都肯出馬(一於搵D身家)
我若冇冠軍 還望做得亞(咁樣佢都心足嘞)
幸福 好有揸拿 勤力做人點駛怕
聚夠福 蒼天會保佑 人實富貴而又榮華
作為一個歌手,鄭少秋的戰績並不算太彪炳,記得他曾在演唱會上這樣說過:「七十年代有許冠傑獨領風騷,到了八十年代頭,Sam Hui終於稍稍靜了下來,卻又跑出了一個譚詠麟……」秋官固然是演藝界的巨星,但在樂壇,又真的好像從未嚐過當一哥的滋味。
秋官的經典電視劇主題曲相信已不用多作介紹,今次想分享一首較為冷門的,就是1981年無線電視劇「富貴榮華」的同名主題曲。此劇令我印象深刻的地方,是劇中的四兄弟林尚富(鄭少秋飾演)、林尚貴、林尚榮及林尚華,很明顯是影射許氏四兄弟:文、武、英、傑。具體劇情已忘記了,只記得有一個大反派叫雷力圖(駱應均飾演),以及另有一首很動聽的插曲「心事」。
「富貴榮華」的旋律並不算太特別,這類輕快活潑的作品,顧嘉煇一天大概可以寫它十首八首,今次想說的,反而是歌詞背後的社會價值觀。七、八十年代,正值香港經濟起飛之時,貧富懸殊的現象當然存在,但當時市民普遍相信,只要勤勤力力,生活也可以有所保障,甚至積少成多而成為小富。這種「獅子山下」的精神,叫人振奮。
反觀今天,我們的香港變成怎樣了?別說出人頭地,年青人想有瓦遮頭,即使目標只是五百平方呎的「上車盤」,也得拿出五、六十萬作首期……申請公屋,就算閣下願意苦等,也未必合符申請資格。租樓嗎?一個四百多呎的蚊型單位,盛惠七千大圓!
人民不能安居,自然不會樂業,這個地方還會有希望嗎?想一朝「富貴榮華」,明天就去買一注六合彩吧!









坤爺 2009-11-06 21:37
wing 2009-11-06 20:31
法蘭基2009-11-07 21:35
Gael 2009-11-05 13:33
法蘭基2009-11-05 21:02
將感情 2009-11-04 23:08
法蘭基2009-11-04 23:28
你就好啦,仲有黑膠....不過諗深一層,黑膠難打理,如果唔係用黎聽,對我黎講,keep住都唔係太有意思咯。
鄧光榮一番說話,加上欣宜多番表示好少同老豆聯絡,令到秋官形象再一次受到傷害。始終肥姐走左,一切是非同指責,自不然會指向秋官,不過人紅先會有人講,做得呢行,相信EQ都有番咁上下!
話秋官乾塘?一個日日做到冇停手既人,仲要紅遍中港台美加,可以有幾窮?
平凡亦快樂 2009-11-04 20:15
反而是王綺嘉的《心事》,娛樂唱片對業務太不瞅不睬。
我只有盒帶,你有黑膠真好,連結片段是劇集片頭嗎?
法蘭基2009-11-04 21:00
轉為MD之後,此黑膠已賣掉了,現在倒有點後悔....奈何空間有限,只能這樣了。娛樂的復刻行動比華星更不濟,作為歌迷,真是很失望。
連結片段應該是宣傳版本 (例如在K100播放之類),至於片頭是怎樣的,已經不大記得了。
wing 2009-11-04 20:00
秋官都是我偶像之一, 做大俠一流, 時代劇又入型入格, 最難忘係誓不低頭飾演謝文武一角.(富貴榮華) 係咪時代劇 記憶中好似有任達華做, 但首歌又唔係呢個旋律, 可能係(夾心人)吧!死啦! 我又失憶.
不得不提, 秋官主唱倚天屠龍記這類歌曲, 實在英氣十足, 冇得頂. 可惜家人對呢位大俠冇乜好感! 播親都受到強烈抗議!!
法蘭基2009-11-04 20:50
秋官係一個跨媒體既藝人,拍劇已經拍到傻,仲可以唱咁多正歌,有時仲會拍下電影同做司儀,所以若果要同其他全職歌手比較,的確唔公平......「富貴榮華」演員有廖啟智﹑程思俊﹑任達華﹑陳秀珠等等,有段時期秋仔拍好多時裝片,真係好易混淆!
張無忌亦係我最鍾意既秋官作品,首主題曲陪住好多香港人成長。至於佢近年既負心漢形象......唉,始終係兩個人既事,外人又能夠明白幾多呢.....
音樂男孩 2009-11-04 20:00
祝你開開心心每一天,
懇請您來我的網誌:)
法蘭基2009-11-04 20:35
將感情 2009-11-04 16:22
秋官就算未做過一哥, 都算做過吓老二, 想當年"倚天屠龍記"都同阿SAM隻"賣身契"賣過叮噹馬頭架, 完全符合以上歌詞嘅"我若冇冠軍, 還望做得亞"嘅心態. 其實秋官主力都係放喺電視劇上, 加上長期身處娛樂呢間咁"進取"嘅唱片公司, 有咁嘅成績都算好好架喇.
法蘭基2009-11-04 20:34
GarY 2009-11-04 06:48
Y!BLOG人員處事不知所謂!系統無故發生故障而未有通告,繼而又修改什麼SPAWN內容,與民為敵!垃圾廣告垃圾廢人留言不斷發表廣告而Y!BLOG無以視之!
..................................................................................................秋童 2009-11-03 08:40
而家香港既樓市根本就不合理...好似全港人為左四大地產商打工咁! 佢地就真係富貴榮華喇!
法蘭基2009-11-03 11:47
GarY 2009-11-02 21:44
好文不寂寞,推一把!
..................................................................................................風林小館 2009-11-02 12:57
法蘭基2009-11-02 17:38