萬眾期待既狗狗bbq經已完滿結束

今年既十月十一日，係將軍澳發生左一件盛事，就係期待多年既狗狗bbq（對於傻妹穎黎講係打邊爐）終於如期舉行．今次能夠如期舉行，要多謝各方好友賞面出席（其實只係0係msn講左幾句），亦由於我想信我係最後一個出ｂｌｏｇ既，所有野大家都講晒，我都唔知仲可以講乜，不如去片睇下當日情況．

首先睇下出席既嘉賓先啦，包括蝦米

旦ｓｉｒ

ｃａｓｈ　ｃａｓｈ

小白，因為佢實在太難影，所以只得呢張

仲有妹梅，但係由於佢實在太遲，所以冇佢單狗照

當然唔小得屋主陳仔啦，不過佢受左好大打擊（多左咁多狗狗同佢爭地頭），你睇佢幾失落．．．

因為聽ｃａｓｈ媽講，佢地日頭先去玩完，所以見到ｃａｓｈ同旦旦都有ｄ睡意

見大家悶悶地，旦媽就拎ｄ零食出黎引下大家喇，見到有野食，第一個有反應既當然係小白啦，即刻比晒手手又坐好

蝦米同旦ｓｉｒ都唔執輸

至於ｃａｓｈ　ｃａｓｈ，就實行痴實媽咪，

ｃａｓｈ：你地食啦，我有媽咪抱住就夠架喇，都唔知有乜咁好爭．．．

旦ｓｉｒ：都唔好食既，我都係坐埋一邊諗下狗生道理好過

ｃａｓｈ：喂，你影乜呀，唔好以為我唔知呀，吠你架．．．

咁話明ｂｂｑ丫嘛，等齊人當然開餐架啦，不過我發覺我一張ｂｂｑ既相都冇影過喎，我諗左好耐先明白，原來係我實在太忙喇，又要起爐又要加碳，又要招呼朋友，所以跟本冇時間影相（謎之聲：你掛住食就真啦），所以一跳就跳左去尾聲，狗狗大合照喇．

先黎個大合照先，你睇妹梅幾識望鏡頭，阿仔好明顯想你影佢全身，比埋個背脊你睇．

陳仔：唉，你地影完未呀？野就冇我份食，想返入屋休息下又唔得．．

旦：咪理佢地啦，有位咪坐囉

ｃａｓｈ：但係我想媽咪抱喎

阿仔話雖然佢係慢熱ｄ，但佢都玩得好開心喎，佢仲問你地幾時會再黎玩呀，下次可以早小小黎，佢帶大家去巡下村，介紹下比狗地知喎．