忙碌的一天

今天是尾三星期的placement，今天我做了一項挑戰，是這樣的：我假設我今天一返到OU，阿頭因為太器重我嘅關係，要我cat咗一個架的嘅中文書，個架大約有７０幾本書，佢想我五點前做完或者完成七成，時間就係咁多～於是我今日比平日更靜更唔出聲，集中精神去做copy cat.，食晏我都只係用咗半粒鐘，兼順便send咗個e-mail俾Amy，叫佢收集student ID去成Lib. Soc.～話咁快到咗５點正，到我停手時，我慢慢收拾枱頭的東西，然後去我完成品嘅架度點數，結果埋單係５１本，其中包括UGC未cat嘅,需要original cataloguing嘅,喺Dynix search唔到要做功夫嘅，仲有其他形形色色問題出現嘅書，做到真係想嘔～但嘔得好開心！

今次算係俾自己嘅一個考驗，就算copy cataloguing都會有問題出現，因為我係本住公開大學嘅in-house roles去做，所以唔係照抄就得～好多嘢都係我以往讀書讀過，但一D"執生"位就真係間間館唔同，我今次真係學到好多執生技巧，而且體會到有壓力同無壓力之下工作，心理狀態方面有咩唔同～

可能朋友仔同同學都會覺得我六個星期都做copy cat，會學到D咩呀？表面上我的確學足六個星期copy cat.，但我覺得我有好多得著，至少我可以做同其他LA2嘅同樣工作，唔單止分擔佢哋工作量，而且自己感到好開心好enjoy，我對自己嘅要求，令佢哋更放心俾嘢我做，更暢所欲言，分享大家嘅cataloguing experience，我能夠俾到佢哋suggestion，而且同意睇法，就算係氹我開心，但我好有成功感，我會更俾心機去做,更俾心機去學習！

每問完一次，我都牢記著要如何解決這類問題，每當有新問題出現，我都先思考我會怎樣解決，然後去問如何解決，求證時若與我所想的一樣，我會分享個人的意見，然後由其他同事給予意見，覺得我的意見是否可行～

今晚我要收拾浸大的rehearsal room，我覺得我已渡過了黑色３月了～一切看來上了軌道，開始穩定下來，不像之前幾個月發生很多事，弄得動盪不安～今趟到我自己希望自己可以開開心心過日子呢～