說教都要o岩場合!

尋日同 T 去左食回轉壽司,
隔兩個位坐左一個家庭, 爸爸, 媽媽同仔仔.
一路食, 全程聽住爸爸同媽媽對住仔仔o既"碎碎諗",
聽真下, 原來父母都同仔仔討論緊學業同將來人生理想!
父母為仔女前途著想, 我諗無乜邊個唔會!
好多時父母都會抽時間同仔女傾下有關學業,
或者對將來理想o既安排!
不過嘛!
我覺得選擇地方都好緊要! 
應該响屋企, 一個無外人o既私人地方傾會好D!
我見仔仔對住爸爸媽媽o既嚴肅表情,
問一句, 要答一句...
收歛得連小朋友o既天真都無埋! My God!  
畢竟, 睇佢只不過係一個初中學生嘛!
星期日,
一家人出街食野應該係開開心心有講有笑 relax!
父母自己要嚴肅就算勒! 
唔好埋沒小朋友可以天真開心,
同屋企人出街天倫樂o既小小時間!