走在金秋路上……第二天

走在金秋路上

        所遇所見

 

 

17102009 ~~ 行程第二天

五時半電話響起鬧鐘，收拾行裝，上車乘機去……夢中的香格里拉，香格里拉……我來啦！！          

      行李接送服務

行李箱越野賽，因路面是石仔砌的

十一時下機，上車去古城，入住麗江印象，

這裡我們住兩個晚上。

一切安頓後，走入古城搵食，終於在河邊找到一間食雲南米線的店子，坐下來打開餐便點菜，叫了六個小菜、兩個湯米線、一個炒米線、一個黃豆麵，全部一式兩份上；例牌份量其實不大，但一心只是醫醫肚子吧！那就算啦！

期間不段有小販拿著東西找上門，有石榴、萍果、葡萄、香煙、還有一個唱歌(點唱)的男子，最後西文叫他們走，但佢就俾阿婆狂插，都未見過西文咁死狗，我地就繼續食野，佢就繼續俾阿婆鬧。

期間不段有小販拿著東西找上門，有石榴、萍果、葡萄、香煙、還有一個唱歌(點唱)的男子，最後西文叫他們走，但佢就俾阿婆狂插，都未見過西文咁死狗，我地就繼續食野，佢就繼續俾阿婆鬧。

最後，嘜都食清；起程去木府同萬古樓……西文哥就叫埋單。突然，西文大叫一聲……嘩，原來侍仔同佢講盛惠 $911蚊，嘩，食米線咋！！

黑店

喂！大佬……入左黑店呀！都食左囉，俾錢啦！唔好唗時間呀！

行下行下，去到木府跟住個講解員行，但我已知其掌故，所以我就四圍走，週圍影。

影影下，迷華經過身邊帶笑同我講，鞋……我黎開心傢，唔係黎睇你黑面傢？？

原來當地的講解員，在她解說時所有人都不能說話，否則黑面；但華哥睬你都傻，你有你講、我有我傻。

週圍閑逛、週圍影下，

中間那個就是黑面姐姐啦

最後由木府後園走上小山，到左一間廟堂，建築都幾靚，

但唔知點解會係道教，納西族應該唔係信道教咖？

坐左一陣、睇左一陣，又往上行，行行下見到條長長樓梯往上，心想……死啦！

雖然無高山反應遮，但扯緊蝦喎！唯有扮睇風景回氣啦！

最後都上到萬古樓，整棟樓木結構由木匠入隼而建，從外而看，確實手工一流，再入內走走，樓梯呀！又同佢死過。

裡面樓層都空空的，在三樓牆身掛著字畫，可能是買的，因字裡行間並不是提及萬古樓的。

終於上到頂樓，嘩……四野開揚，正前是麗江古城全景，

右面是田野，

左面是現代化的麗江，

後面是玉龍雪山部份，我們四邊看、四邊走、四邊影，影影下發現樓頂天花有條龍，好鬼立體傢！

攪下攪下就離過萬古樓，行落去四方街，

嘩！！好多人呀！

再向酒吧街行去，又係好多人！！

最後所有盟友都到齊，

我地就去左食黑山羊火鍋……幾好味，最特別係灼薄荷葉，食完成個人醒哂。

十點幾返到酒店，好倦、好累，整理完相片，大覺訓……Zzz Zzz Zzz Z Z Z Z