假期後病愈

3-5-2009

5‧1果日本來約左人去警察會玩既，點知果朝家希發燒，仲越來越燒添，咁就當然係同佢去睇醫生啦~~ 但家希食左一次藥就唔肯再食，於是就比左林醫生之前開定比家希塞江既退燒藥佢用，但都係唔退燒，有時仲高燒到 104 度，daddy & mami 當然好擔心啦，但林醫生之前講過如果 BB 發高燒都好，只要佢有精神，肯飲水，冇抽筋就應該問題唔大既，但塞左幾日藥都唔多退燒你都咪話做父母既唔擔心。

幸好，燒左2日。今早起來終於都開始退燒喇~~ 家希又回復返精靈喇！仲肯自己做功課添，當然要 mami 協助啦~~

睇下，病到臉仔都瘦左！

我好認真舀豆架~~

仲越舀越開心添~~

當 mami 同佢講呢D叫眉豆時，家希就講了一句“mami 李家希舀眉豆啊~~”

見佢精神返就好喇~~ 百厭少少都由得佢啦~~ 睇下佢幾得戚咁穿住 daddy 對鞋。