北海道 2008 @ Day 10 (築地漁市場 → 六本木 → 上野 → 池袋)

2008年12月30日      (築地漁市場 → 六本木 → 上野 → 池袋)

由於日本係1月1日元旦好多野都休息，所以 31/12 四圍都會好多人去辦年貨，就好似我地既年三十晚咁，而築地漁市場都休幾日(由 31/12 開始)，咁我地即只有今日可以去場外市場食野。記得好多年前，我同 Daddy 黎到鬼影都冇隻，原來係大休日，之後都有去過東京，但都冇去到築地........ 今次終於都去到喇~~

我地一早起身係酒店食個簡單既早餐，之後出發去築地。行行下2個表姐話唔想去食，想返酒店瞓............. 由得佢地囉~~ 慳返！一去到築地出左站，嘩~~ 成條街都係人，去辦年貨既人真係多。D野仲真係幾平..... 大大舊 Toro 1000 - 5000 yen 不等，最衰仲有幾日先返香港，如果唔係買定D返去開餐。

好唔容易由走散左又搵返，終於都去到我地既目的地“壽司清”係大 e 媽佢地次次都去食既，不過都唔平。

我地怕家希冇野食，所以買左個腸仔包比佢食，點知佢淨係食左半個包同條腸仔！

好喇~~ 到我地開餐喇~~

後來細表哥仲叫多幾件三文魚壽司及三文魚軍艦添~~ 見我地食得咁高興，家希冇得食好似唔係咁好..... 其實家希都有份食壽司，我地叫了一客玉子壽司比家希試食，家希都幾鍾意，不過 D 飯痴住隻手仔佢又係度猛“fing”，睇佢掛住食壽司唔理我地。

食飽飽，係場外市場行左一陣，發現原來都好多野食，尤其事係側邊有好多一檔檔的，有拉麵、海鮮飯、廣島燒......等，價錢仲好平，好多人排隊等，有D買左企係度食 (好似我地食街邊野咁)，就算唔食壽司都好多選擇，築地相比起札幌二條市場好好多又大好多。我同 Daddy 雖然食飽壽司先發現，但仍然好想食。可惜，我地真係食唔落，但下次黎一定會試。不過唔知要等幾時先可以再黎呢？

食飽左，搭車去六本木行下先~~

六本木曾經係潮人熱點既地方，所以有好多不同既 designer image係條街度。

行完六本木，我地又搭 JR 去上野買手信。點解去上野？因為平囉，選擇又多。

可能都係因為好多人趕辦年貨，所以成條街都係人，我地唯有買D野比家希食醫下肚仔先啦~~ E 媽仲醒佢飲罐大可樂！而其他人就去入貨，家希就由 E 媽 E丈睇住先啦！~~

滿載而歸！我地仲買左 1 pack Toro 好大舊既返酒店食。

返到池袋酒店，我地搵返2個表姐，之後 mami 就搵左一本介紹新宿、原宿、池袋等食店優惠既免費雜誌“hot shopper” 睇下有咩好食。今晚，大家決定食燒肉放題，我地搵左一間係池袋東既燒肉店，一上去見唔多人喎，仲立即有位。比張 coupon 佢個侍應話唔用得喎？唔得！？原來張 coupon 係要1月先可以用 (原來 mami 拎果本係1月號)，後來他問了老闆說可以比我地用 coupon 價食但只包一杯飲品 (coupon 係任飲的)，於是當然立即坐底啦~~ 而我地想老闆當然令願比我地 discount 啦，因為佢地都唔多客，而且我地有成10個大人喎~~~ 一黎就係樣樣有 (八爪魚、魚柳、雞肉，牛肉、豬肉、牛仔骨、牛舌....等)，仲有沙律任叫~~ 全部都好好味架！不過唔記得影底個名添~~

好飽又好味啊~~