北海道 2008 @ Day 2 (札幌→層雲峽)

2008年12月22日   (札幌→層雲峽)

我地一早起身食完早餐就準備執o野去層雲峽，今次我地 Book 左朝陽亭溫泉酒店，唔係因為佢既溫泉特別好，而係貪佢有 shuttle bus 由札幌 pick up，咁就可以慳返程車錢，加上我地想食和式料理，佢既 package 又唔太貴喎，所以就而且原來去都唔易，所以一定要坐佢既 shuttle bus 會好 D，車程要成 5 個鐘架~~

今早起身睇天氣報告講札幌天氣係 (0至-3度)，於是急急幫家希穿羽絨，但家希又唔肯穿喎，於是 mami 決定比佢感受下咩叫寒冷。比佢走出街上，冷風一吹~~ 嘩~~ -2 度威力果然唔野少，家希呆一呆立即走回頭，三姨媽 & Daddy 立即急急為家希穿上羽絨保暖。

著左係唔係暖好多呢~~~

三姨媽本來想比佢試下行雪地，點知家希驚唔肯落地喎~~

家希可能未習慣日本既天氣，所以成日都有 D 呆滯，在札幌駅等 shuttle bus 時，E 媽怕家希凍帶左家希入駅內等車黎。而駅內有 D bear bear 熊 poster 家希見到就開始有D反應喇~~ 指住叫“bear bear 熊啊~~”

Shuttle bus 到左我地就立即上車幫家希解除束縛同比D麵包佢食，家希係日本最鍾意食腸仔飽，可能因為佢最熟悉腸仔.....哈哈~~ 食飽 Mami 就同家希一齊睇街，Mami 就扮導遊咁講解比家希知咩黎，日本有咩.........等。架車行左大約半小時就開始落雪了，Mami 就講比家希知落雪係點既.......... 再行多一段時間，可能因為坐車有D搖下un下既關係，家希好快又瞓左。2個半小時後，我地到左中途休息午飯時間的地方 - 砂川，眼見好多日本人好快就落晒車入左去搵野食同去廁所，我地仲要叫醒家希又要幫佢穿回衣服......... (其實食飯時間好少，得 35 分鐘) 我地仲唔知死慢條斯理去睇下野先搵野食。

叫醒左家希怕佢扭計，見到有D企鵝毛毛公仔就比佢玩下 warm up 下先~~

跟住我地見到有北菓樓既年輪蛋糕賣，於是試食完又買黎旅程上食。正！~~

後來我地急急腳就走去搵野食，我地去左一間餐館叫了一些麵食同定食，但唔知點解 Mami 叫的牛肉飯定食好鬼耐都未到，最後攪到 Mami 要用5分鐘時間食晒個定食，好彩呢餐有大表姐 & Daddy 好快咁食完幫手餵家希，如果唔係相信 Mami 連 5 分鐘時間都冇。

呢碗係餐牌內寫住係 TV 人氣既羊肉拉麵

食得好鬼趕，我地又拿拿淋跑上車了~~ 因為所有人都上晒車呢，只係等我地十幾人。一上車當然同大家講聲唔好意思啦~~ 因為我地真係遲左幾分鐘......  食飽後，又係上車睇風景既時間，家希今次冇瞓，因為我地好快又去到另一個小解站，今次 Mami 落了車同三 e 媽去買雪糕上車食，但原來家希一早已經尾隨 Mami 同大 e媽落左車買雪糕食了~~ 因為當 Mami 落左車之後，家希同大 e媽 & 大 e 丈講要落車啊~~

再坐多個幾鐘車就到左我地住既酒店 -- 朝陽亭。Mami 去攞左房同安排好幾點食晚餐後分配好房間，就回房休息一陣，Daddy 同表哥 & 姨丈佢地就去左浸溫泉，Mami 同家希 & 姨媽表姐們休息一陣就去行下酒店既商店。

家希入到房就四圍走同亂攪野，之後又走去 e 媽既房玩。

到左食晚飯既時間，我地去左預定既“朝露”原來成間房已經預留左比我地，真好，或者係我地人多既關係啦~~

食和式料理通常都會有張餐單放出黎既，呢間又唔見有喎~~~

家有一見到D野食就坐底拎起隻羹係咁篤，係咁擾。之後就起身四圍跑 ......係我地食既時間，有人在席上表演。

四圍走到熱晒，又走去攪 service 我地既姐姐，仲四圍穿。

跟住走去表姐度同佢齊齊叫~~ Mami Mami......

終於大家都食飽飽喇~~ 大家就再行酒店商舖，而 e 姨 & e 丈就穿浴衣走左出酒店影相~~ 當時係零下 13 度，佢地影完震顫顫走返入黎話好凍，哈哈~~ 都傻既，穿2件衫就走出去就緊係凍啦~~ 好彩我地冇咁傻，係佢地去變雪條既同時，我地就同家希睇魚魚~~

上返房間休息一會，Mami 同大 e 媽就走去浸露天溫泉，浸完再嘆下溫泉外既按摩椅，正！鬆晒~~