豚祖@cwb + 聖誕佈置

豚祖@cwb黃金廣場 + 聖誕佈置

在cwb找不難找吃，是日來到黃金廣場7/f新開張的豚祖吃晚飯。時間尚早，星期日都只係等左一陣就有得出去食啦。

天氣好冷喔....等heylolo飲返杯熱茶先

新開張只要叫set就會送7吋蝦一隻。呢度裝修都算可以，不過比起在環球的吉列豬排專門店又差少少。

其實店內的食品選擇同吉列豬排專門店差不多，基本上連食法都係一樣。同係價錢就比吉列豬排專門店平好多了!!

TORO $98

dinner set有前菜、麵豉湯同白飯。飯同生菜絲都係任加的。

吉列芝士雞柳，超好食!!推介~~~

一定要趁熱食，d cheese仲係軟身的，中間仲有枝豆中和芝士的膩，非常好吃。

吉列豬柳

豬柳相比起雞就MAMA啦，唔係話佢唔好食，只係水準一般，唔夠JUICY。吉列豬排專門店的豬柳好食D!

不過講句公道說話就係價值平一半，當然係一分錢一分貨了....

甜品紫薯同紅茶雪糕加返多少分，味道一流!而且細心的用冷卻的杯上，等雪糕無溶得咁快，good~~

同場加映靚靚聖誕佈置：

食飽飽四圍走，當然見到唔少聖誕裝置啦!呢個一連四個的主題屋最靚，影相啦~~~

heylolo玩得好開心呀，玩埋特別效果先~~

呵呵呵，聖誕真係一個好開心的節日呀!!!

提早祝大家聖誕有好節目~~