黃玉郎醉拳#19

每逢大時大節，我都有興趣入下戲院睇戲，不過由於囡囡年紀尚小，所以除D細路仔戲外，要佢坐定定陪你睇足成套戲都幾難。所以而家都興等D大片出碟後就買碟返屋企同老婆慢慢嘆。雖然有時會遲D先睇到套片，但係家中睇又係另一種feel，可以慢慢欣賞之餘，仲可以細心留意一下D情節或鏡頭，用作參考。前排就一連看了多套中西大片，其實多套香港電影的製作都不俗，有番D水準，似有進步的感覺。就係呢種感覺俾我好大衝擊，因為只要用心努力去做好工作，就一定有人欣賞，這種態度放係任何一種行業都啱用，尤其係而家經濟唔係咁好的環境。大家一齊努力吧！！最後，祝大家復活節快樂。