Feel 100% 結局

千呼萬喚 --- Feel 100% 結局

等o左兩年，終於出到個結局，我諗呢本本港漫畫成為o左香港o既一個紀錄，成為o左一本就算要等佢兩年先會出結局o既漫畫，我o地一樣會再等!犀利!!!

故事講到Jerry因為解決唔到好多o野而選擇去吸毒(我好多次都有種聲音同自己講，Jerry係咪由Kurt Cobain呢個真人真事變出來)，Cherie就唔係好知自己想點，覺得自己仲鐘意Jerry(但Jerry真心鐘意果個，但亦係得唔到果個，係Jenny)但又覺得對阿樂唔好意思，又想有backup(書最後作者劉雲傑先生有個後記話Cherrie都唔知係太善良定太貪心，其實兩個都係囉!)。阿樂最後幫Jerry戒完毒，選擇晌情人節同Cherie忍痛分手，其實都係因為佢明白到再同Cherrie行落去，佢個心入面果個都只會係Jerry，與其係咁，不如set her free。其後阿樂去o左非洲，難得o既唔係放縱自己逃避是但搵度去，反為係為o左達成多年夢想去o左非洲拍紀錄片，並一炮而紅成為奧斯卡得獎者，最後仲同o左Jackie一齊。Jerry就返o左美國做o左神父，可以成日望住Jenny教小朋友但不能結合。而Cherie就無得考慮Jerry或許樂，或者...最後係同George一齊吧!?

後記講過作者相信當你找到最愛又最適合的人，而這人亦正好和你有著相同的感覺，在你心目中的這個人，便是完美的情人。首先要有愛人的能力，實在太多人只懂被人愛而不懂愛人，某程度上，筆者說得太中了。君不見香港社會女少男多的變化，女孩都口口聲聲愛男孩，但說穿了只是愛自己：男孩對自己不好就是男孩子做錯，男孩對自己好就要更好去代表這樣是愛，自己則馬馬乎乎就可以；男孩不找妳就是不愛妳，找不到男孩更是死罪，只為自己怕男友到那裡鬼混，只是自己不安就亂發脾氣不受控制...假若男友都用同一種相處方式規範，那男友就是斤斤計較，不愛自己，用心內的稱衡量自己，(生日)禮物不是心中想要的就口黑面黑甚至愛哭愛罵到聲淚俱下聲嘶力竭，任何事情都不如自己所想就出口術耍手段，千方百計要令男孩知道自己是做錯了，因她們認定男孩就是不愛她。這樣的愛情，不是解釋了為何香港男孩都上大陸找女孩了!?我只想說：大陸的女孩好一點嗎?不一定...只是..她們知道甚麼時候做怎樣的東西吧了。好多女孩都覺得怎樣男孩為何都不愛自己了?我想這與溝通有關，假如兩人的溝通一向也是要好的，那肯定是男孩的錯，但，在這種崇尚女權主意泛濫的今日，原來筆者呢句話真係無錯，真係唔係好多人懂得去愛人，佢o地唔明點樣先叫做愛對方。 有好多女仔以為自己平時已經做o左好多o野，唔明點解男仔完全收唔到...我想話：男同女係唔同機制，女方係咁做一個方向唔係男仔想要o既，其實，等於白做。有好多時，男仔只係expect一段和諧o既關係，兩個人相處開心融洽，食乜著乜有無錢都係其次，講白d乜都假，兩個人最緊要開心，唔開心就講乜都多餘。

女孩們，妳o地投訴男友唔錫妳，覺得佢o地煩住晒o既同時，會唔會對方都係諗緊同一樣o野!?覺得妳唔錫佢，覺得妳煩!?其實關係，一向都係對等的，愛人與被愛，就如劉先生所說，妳o地有無晌段關係果度落過力!?有時唔知係女仔，男仔都係完全無理呢個問題，所以呢樣o野話o左過我o地聽點解e+d人拍拖拍得咁辛苦，無結果。 某程度上本人同劉先生所畫o既許樂一角極度相似，好多人覺得我係好男仔，每一樣o野都幾好，又識諗。我以前真係好似許樂，覺得對個女朋友好就得，每樣o野百般遷就，但某程度上只係"喂"緊毒品俾佢食，你對佢好會變成必然，當佢習慣o左5級o既好就expect6級，8級，10級，20級，50級，100級...無止境...咁樣，係真愛乜!?妳又俾緊幾多級o既愛我呢? 故事中可以同許樂發展落去o既只有Jackie，反為係當初阿樂所講果個男人婆，無錯，就係呢個男人婆知道你去非洲都俾o左條守護手鍊你希望你安全歸來，又係呢個男人婆餉你被朋友誤解幫你解話，出來你...亦係呢個傻婆無諗過問你拎返乜o野回報渣手都肯幫你一齊做Cherie o既守護天使，眼見自己鐘意果個人鐘意第個都肯幫，我諗呢d真係真愛，因為係無條件付出。的確，呢一種先係去愛人。每一下都要對方愛得比妳深先叫做愛妳，其實等於害死妳。可以唔好好似一個大Baby咁好嗎!?男孩應該出聲定唔出聲!?出聲就係唔愛妳，變o左；唔出聲就係應份!?Holy shit... 筆者講過話本來都想可以讓許樂同Cherie在一起，但故事發展下去，兩個人並沒有這種條件與契機。有時，兩個人可唔可以走落去，真係睇呢兩樣o野。歐時就算你點努力，兩人關係發展落去係唔ok，就唔ok，無得話你用o左300% o既努力晌呢段關係就ok，唔ok就點都唔會ok，因為關係是雙向的，一個人單方面努力而對方不是同步的話，也是徒然。

其實兩年前我已經想寫信俾劉先生，想話佢聽原來佢筆下o既許樂係真有其人，但我怕素未某面再加上怕影響劉先生的作品進度，所以沒有聯繫。我只想餉呢度多謝劉先生，我諗佢無諗過佢呢本漫畫令我真晌感情道路上長大。以前我以為不斷對佢好就得，原來係唔得，係要睇兩個人o既溝通同相處，從來都唔係一個人話事。有時一個男仔好起上來，實會有好多女仔覺得佢好，呢d我都習慣了。有時自己諗，自己唔係特登扮出來，係本身真係想對人好，對人好得滯又會有麻煩，太easygoing又會俾人入位，呢幾年多得劉先生呢本作品令我真正去諗呢d問題，諗o下點樣去做一個sophisticate o既/成熟o既許阿樂。我會繼續對人好，因為對人好係出於我自己o既內在，但亦要保留自己，有乜喜怒哀樂都要表達，唔可以無條件付出，揀選適合自己o既人或事物。 畢竟我已經年過30了，我要學會點樣令自己快樂。 期待劉先生往後的作品，也很感謝Feel 100%長久以來對我的支持與啟發。 衷心希望劉先生一家生活愉快，女女快高長大，總明精靈!!!