一封回答朋友o既信

其實人係有要求，呢個唔緊要，但要求係咪合理，呢個真係好多人唔係好明自己。

呢個年頭真係太多快餐人，我都希望自己伴侶人又靚又後生又有米脾氣又好又識為我著想又唔怕悶，但呢個世界邊會有d咁o既女仔?如果個女仔覺得自己想要一個咁perfect o既男仔，又覺得呢個年頭呢d男仔多數都拍緊拖／結o左婚，其實，佢知道好男仔係有市場。首先要諗一樣o野，就係好男仔係咪一開始就得o既呢?可能一開始係個性格好，好仔，但係無家底無錢，但有奮發向上o既心。有d女仔就會嫌佢無錢，但係咪個個一開波就有晒境?有境果d又係咪一定有向上心呢?有無咁好性格呢?又會唔會對妳專一呢?值唔值得同妳專一唔去揀呢?呢d問題，各下應該要有自知，明白自己應該有個點樣o既伴侶襯自己。

如Sam哥你所講，邊個唔想有個好o既d o野ready晒我走埋去就closing佢?無足夠o既溝通同諒解又點closing佢?

我見得太多香港女仔嫌棄人呢樣果樣，其實有無諗過自己係乜level o既人，會唔會越級挑戰?(唔一定係話有錢果d先係越級挑戰，性格好過妳耐性好過妳個人豁達過妳身家清白過妳都會係一種越級挑戰，因為要先明白自己係咪真係襯得起眼前呢個好男仔先，唔好嫌o左人無錢/無境/無樣先，唔該晒)妳，又會唔會有耐性去同對方同甘共苦，能共患難，共富貴幸福?

有無諗過當妳同o左個好男仔一齊，但佢唔使做d乜身邊o既女仔都會自自動動埋身呢?到時妳又有無能力/能耐去handle佢身邊o既挑戰者呢?我諗單單靠自己有o既樣貌身材同信任唔夠keep住呢個好男仔囉，問一問自己有無一份平常心每一日都對對方好，緊張對方令對方每一日都對自己有心跳o既感覺?

開始o左都有開始後o既問題，我只係知道太多香港女仔（男仔都係) 唔明呢d以前o既人當係常識o既道理，可能呢個真係末世，無乜人明白要珍惜身邊o既人/事/物呢個道理。

親愛o既朋友，可唔可以由今日開始諗清楚，唔係問自己想要乜，係自己有無呢個條件，有無呢份誠意去搵呢個所謂perfect partner?定係呢個partner可能根本係妳身邊o既smallpotato妳無諗過會係佢?

但願妳找到真正的Mr. Right!努力!!!    ;)

Tim/三仔字