幼稚園生活

Sherry 唔經唔覺已返了一個多月學！

初初返學的2星期，只是1小時、2小時，讓她(和我！)慢慢適應新的幼稚園生活。

眼見她也適應不錯，沒有哭、還喜歡上學呢！

一切也是新體驗，要自己搭校巴、揹書包、做媽咪的我也是個新體驗呀！首先，我覺得自已也從回幼稚園生活，每天回家要檢查她的書包、手冊、文件套，看老師有沒有通告、功課、特別事項等。又要陪她看看學校的書，睇下教到邊度。

中秋節有花燈比賽？參加啦！

生日要整生日帽？一齊整啦！

參加家長會？好！

賣獎券？又好！

觀課？當然樂意啦！

秋季旅行？都好喎！參加啦！

短短幾星期已安排或做了咁多野！會唔會太多呀？

對我來說，這些會有d壓力，驚miss咗d野，所以成日一回家便檢查書包，又要了解下她在學校發生咩事，開唔問心，都令我有d緊張架！

學校生活看似輕鬆愉快，但暗藏擔憂：由於她未能具體表達在學校做些什麼，開心、唔開心的地方，成日都係估估下。

昨日她說眼瞓，唔想返學，返學又似剛哭完。今日又話想同媽咪一齊，唔想返學，我努力嘗試問她點解唔想返學，她又唔講，唔知唔識講還是唔知點講，只是說黃老師同李老師....(她的兩個班主任)，還有2滴眼淚呢！令我更感困擾！

希望我能多d明白她就好了！