勁歌金曲優秀選第二回頒獎禮

　　今日ｔｖｂ舉行勁歌金曲優秀選第二回頒獎禮，上次既頒獎禮有一個環節係ｆａｎｓ可在ｔｖｂ網站內留一ｄ正能量既留言比自己既偶像，而今次既頒獎禮就係比ｆａｎｓ可以在ｔｖｂ既網站內投票送上人氣ｉｃｏｎ，或者自己設計一個ｉｃｏｎ送比自己喜歡的歌手，而今次呀峯首Ｌｅｔ‘ｓ　Ｇｅｔ　Ｗｅｔ亦都入左圍。

　　我地５點半就響九龍塘集合，６點半到就開始上車，由於而家流感太強勁，所以每位準備入ｔｖｂ既觀眾都要響上車之前量體溫。入到ｔｖｂ之後，我地就被安排坐響台既左邊，好快頒獎禮就開始啦，響開始之前，兩位主持崔健邦同胡蓓蔚就分別同每位歌手既ｆａｎｓ打招呼，胡蓓蔚仲話崔健邦最近練左一首歌，叫Ｌｅｔ‘ｓ　Ｇｅｔ　Ｆａｔ，因為崔健邦最近肥左好多～

　　今次既頒獎禮，每位得獎歌手除左講得獎感受丶演唱番得獎歌曲外，ｔｖｂ仲會簡一個ｆａｎｓ設計既人氣ｉｃｏｎ送番比個位偶像，而每位歌手亦要按主持人出既題目，畫番個ｉｃｏｎ，呀峯係第１２個得獎歌手，當ｆａｎｓ們一見到呀峯出現時，大家都不斷嗌“林峯丶林峯”。當到呀峯得獎時，主持人顯示出一個ｆａｎｓ設計既人氣ｉｃｏｎ，個ｉｃｏｎ主要係祝呀峯再上高峯，然後崔健邦就叫呀峯畫個ｉｃｏｎ送番比ｆａｎｓ，呀峯透露自己都幾鍾意寫字，所以呀峯就將自己個峯字既上面個山字，變左做個心既圖案，引到ｆａｎｓ們再次尖叫，然後呀峯就演唱得獎歌Ｌｅｔ’ｓ　Ｇｅｔ　Ｗｅｔ，大家都有同呀峯一齊唱～唱完之後，呀峯就去怖景後準備完結既部份，同一時間，主持人請在王菀之同楊千嬅上台，問下佢地鍾意邊個歌手既ｉｃｏｎ，王菀之就話鍾意自己個個，而楊千嬅就話鍾意呀峯個個～

　　頒獎禮完結之前，主持人宣佈歌手們投票選出最鍾意ｉｃｏｎ既得主係ｗｉｌｌｉａｍ，而網上得到最多ｉｃｏｎ既歌手係呀峯，第一回頒獎禮時，得到最多正能量留言的歌手亦是呀峯，証明峯既人氣真係好勁～宣佈完之後，整個頒獎禮就完結啦，呀峯同ｆａｎｓ們揮手以示８８，然後就離開啦，我地亦都坐城巴離開ｔｖｂ啦～

　　希望呀峯繼續可以響以後既每個頒獎禮上都可以得到好成績！！！