峯情無限Let's Get Wet DVD簽唱會@新都會

　　活動好快就開始啦，主持人問台下既ｆａｎｓ，平時係點叫呀峯出場，我地就隨著幹事既哨子聲一齊大嗌林峯，然當主持人數一丶二丶三，我地大嗌林峯之後，呀峯就出場啦，出場之後，呀峯講左自己響演唱會上最難忙既一幕，而且仲教主持人跳ｔｏｎｉｇｈｔ既其中幾下舞步，台下既ｆａｎｓ尖叫聲不斷。然後呀峯就演唱“如果時間來到”，我地都有同呀峯一齊唱，唱完之後，大會就安排左３位著藍色３既ｆａｎｓ上台同呀峯祝酒，慶祝呀峯既ｄｖｄ賣出超級白金既成績，然後就由３位ＦＦ既代表上台送上禮物，分別係８個豬籠，每個豬籠上分別寫上“豬籠入水，搵錢之最”，及一本擺放左好多呀峯演唱會上影既相既相簿。

　　眾人影左張相之後，就進行遊戲啦，今次既遊戲係呀峯要餵３位與峯祝酒既ｆａｎｓ食月餅，而３位ｆａｎｓ都需戴上眼罩，呀峯便逐一餵上３款唔同味道既冰皮月餅，而餵完後，３位ｆａｎｓ便需於寫著眾多味道的圖卡中找尋出剛才分別食過冰皮月餅既味道，最後由最左邊既ｆａｎｓ勝出，獎品是可以比呀峯攬住黎影一張即影即有相，台下既ｆａｎｓ都好羨慕，而另外兩位ｆａｎｓ亦可從峯手上獲得獎品一份。

　　遊戲完結之後，峯就再次唱歌啦，今次主持人問峯想唱咩歌，而峯就話比台下既ｆａｎｓ選擇，因為ｆａｎｓ們都知道有一首歌每次當呀峯唱完之後，都會喊既，台下既ｆａｎｓ都好明白呀峯既心意，一齊嗌“換個方式愛你”，然後ｆａｎｓ們就同峯一齊唱“換個方式愛你”，唱完之後，呀峯就接受傳媒既訪問，然後就開始簽名啦，ｆａｎｓ們都紛紛送上自己準備既禮物，當幫在場所有有簽名籌的峯迷簽完名之後，活動就正式結束啦，呀峯落台同ｆａｎｓ影左張大合照，不久就離開新都會啦。