南丫島大擦大喝 (14 Oct)

　　馮婦老友 Janet 同佢老公 Stephen 同個女 Heidi 返港，作為老友們，當然要做個東，請佢地去南丫島擦餐勁！一行五人，地點當然係民豐。

　　Stephen 帶左兩支美國酒（果然係加拿大人），一紅一白，我就帶左兩支法國紅，共四支。估到到 .......... 四個人竟然飲得哂！

　　上次來民豐，又係飲呢支 second wine。

　　Janet 主力叫貝殼類，因為在加拿大好少貝殼類海鮮食，反而 d 魚同龍蝦就多好多。打頭陣係花螺，鮮。

　　跟著有南非大鮑切片涷食，嘩，好清甜，又彈牙，好好食。呢味亦應該係全晚最貴個碟。

　　仲有扇貝，芝士龍蝦，西蘭花等等。

　　當然會整番兩條金鼓，魚潤係我的至愛。

　　飲飽食醉。埋單 $2600，真失禮，預唔夠現金，要拿拿林襟機，好彩 HSBC 係隔左近。