網誌分類：靈異 |
昨日由筲箕灣坐的士去鰂魚涌時，與司機談及上星期發生的一宗的士車禍，一架的士戴着一名領隊入機場途中高速撞路牌，機司死亡，乘客命危。
這位司機就車禍說出三個可能性：
1)機司不少心駕駛，導致失控撞路牌
2)因為入機場條路較長，機司不少心瞓着，造成慘劇。
3)因為遇到靈界之物。
當我聽到司機說第三個可能性時，即刻反問司機，「你地ｄ行家都信有鬼架。乜你ｄ分析咁唔科學架！」
司機說：「點會無可能呀，現在人都死左，死無對證，咁你有冇聽過的士司機深夜時分，在一ｄ唔應該有人上車的地方，有人截車的鬼古事呀，如果怕唔比佢上車，扮睇佢到，之後發現車門有被抓過既痕跡，你信唔信呀，係真架。」
「嘩！咁你地ｄ司機點介定截車個位係人定係鬼呀！」
「在這個時間，你的直覺會話比你知，唔比佢上車係明智選擇，例如深夜走一轉入石澳放低個客，在出來市區途中，有好多唔應該有人截車的位置，當有人截車，好多時都我地都會扮睇佢唔到。但不代表佢無上到車，可能係你之後睇佢唔到啫。所以我架車內都有一些保平安的擺設。」
「如果截車個位乘客外表與生人無異，正常人一個，你都唔會比佢上車呀？」
機司說；「當然唔會啦，就好似我老婆咁，佢響醫院工作，有時要推遺體入殮房， 你都知啦，進入殮房的路，好少會有人行架，有時，我老婆會在殮房門口見到有人貼着牆邊站着，動也不動，或者跪在地上，不發一言，這時我老婆都唔會多事，當 睇佢唔到，你話，如果你係我老婆，你會唔會當佢地係人呀！」
吳孟達 2008-10-15 01:23
呀, 忘記咗添......請多多指教! 兩本書都好好睇呀
, 不過個人比較喜歡第一册多啲, 可能相片較多, 仲有排版、字體、顏色柔和啲啩
?!
不過我試過上"萬邦人生策劃顧問"個web site就開唔到個網頁喇, 連yahoo同黃頁都搵唔到有關公司; 唔通已經.......關門大吉?????
*p.s. 我會試吓揾埋你其他著作睇咖!!! 請再寫多啲出嚟等我學多啲, 識多啲吖!!!
梁鳳縈2008-10-15 01:33
個封面設計係出版社諗架...我都勁鐘意呀...至於萬邦一定响到..我有個網誌係東周訪問..其中一個訪問女仔咪係萬邦個負責人囉。多謝你支持呀.....
吳孟達 2008-10-15 00:59
你好
! 第一次到你個blog嘅我係因為你所寫嘅兩本書--"殯儀" 及 "殯儀-2"才認識你。 真係想知道
係邊個諗出用咁搶眼嘅設計(隻藍色絕對係"嗰隻"藍; 而紅色加埋書名又好詭異)作為封面, 我就係俾封面深深咁吸引而一次過買哂兩本。
你哋講嗰單交通意外, 我一位友人同我講, 車上兩個人佢都認識; 但初初佢從報紙上知到傷者係朋友已經嚇咗一跳
, 到後來過咗一排喺屋企同家人閒談時才得知死者(即司機)係哥哥以前經常來往嘅一位友人, 她亦記得他。當時我覺得幾毛骨悚然咖
, 佢就慨嘆司機係好好先生, 就咁遺下孤兒寡婦, 好淒涼
! 而佢朋友好似往常call相熟的士去機場帶隊就搞成咁, 真係覺得好多嘢係整定咖喎!!!
梁鳳縈2008-10-15 01:34
咁你信唔信世界上有鬼呀.....
╙＊°ｊａηｉCε°×╰﹏' 2008-07-03 22:02
╙＊°ｊａηｉCε°×╰﹏' 2008-07-01 08:38
嘩,,,,係ga,,,澳門果d的士司機都係咁樣ga,,,
有一次夜晚我著住件紅衫,著高跟鞋係街截的士,,
d的士都唔停ge!!!!可能我生得比較白,,佢地都以為我係鬼,,,,
搞到我截左成個鐘都番唔到屋企,,,,,
梁鳳縈2008-07-02 23:41
jordy 2008-07-01 02:27
Sunday哥哥 2008-07-01 00:56
唔只肥夆同我，連其他人都會幫你捉錯字
呀，大家幾幫得手呀。
雞仙人 2008-06-30 19:55
梁鳳縈2008-07-01 23:12
咁講你個古事來分享下
ducky 2008-06-30 12:46
光頭仔-朗拿度 2008-06-30 08:29
機司?
司機?
梁鳳縈2008-06-30 11:37
係的士司機呀...你由記者轉左做編輯咩!
Sunday哥哥 2008-06-29 04:22
好機會……當然要問下，如果唔係人的話，
咁就正喇，終於搵到一隻靈界物體喎！不但
可以來個大合照，仲可以做訪問，問清楚死
後會遇到咩都好嘛，起碼知多d，係醒d。
第時百年歸老，落到去都熟門熟路啦……
梁鳳縈2008-06-29 23:58
如果有一日你真係遇上...你記得通知我..我想知你既反應...仲會唔會咁冷靜......最好搵埋聯絡方法....