自得其樂

　　　人生在世，不如意的事十常八九，不論在平常生活或者是在工作上都會遇到不隨自己意願的事，邊理得禁多呀，盞激死自己無覺眠。係我到西藏旅遊的時候，去到個比較荒涼嘅景點，這時亦剛剛下了一場大雨，我離遠就見都一個穿開襠褲嘅細路，係一處泥地上嘅水溝中走來走去，當我行近一點，看到佢將一塊磚頭抛來抛去，每次激起水花他都會開懷大笑，我地住慣城市嘅成年人當然不知佢禁樣有乜好玩，但係個細路就玩得不知幾開心，玩完塊磚頭，就見佢走向不遠處一個女人度－－－應該係佢媽媽，跟住就捐咗入個女人件上衫裡面，開始佢嘅三點三。

　　　今事今日，我地唔會學個細路玩水，但我成日都想捐入女人上衫度．．．．，哈哈！我係想了解佢係唔係婦解分子啫，驚佢地凍親。不過，我地要學個細路嘅純真，係惡劣嘅環境都能自得其樂。

　　　所以你地呀【包括我自己】，唔好成日諗住人地點樣對你唔好，俾好多豬頭骨你食，你要諗吓，人地係賞識你，至會俾禁多難題你做，記住，有朝一日，你會得到回報的－－－－可能無都唔出奇！

　　　或者，你學吓我，我係屋企都穿開襠褲，所以成日都好似個細路禁開心囉！