相聚一刻

        今日晚上，我又同幾個舊同學相聚一起食晚飯，次次都係我打電話叫佢地出來，因為佢地都唔知我返幾多點工，費時約親我都話唔得。你地知嘅，我每秒幾十萬上落，邊度得閒招呼你地班XX，但係呢班係我廿幾年都知己，所以我一有時間，就叫晒佢地出來聚聚。

　　其中一位同學剛巧打爛咗佢副眼鏡，又話依家睇近嘢好麻煩，我就話佢梗係老花啦，快些配副漸進型眼鏡，我即刻展示我副漸進型眼鏡俾佢地過目，又講解其特別之處，真係成個售貨員，喂！我無錢分家。講多幾講，原來幾個同學都感到興趣，因為佢地都覺得有此需要，梗係啦，唔經唔覺，依家坐埋嘅都有四十幾啦，成日都係講舊事，唔係講糞，又講到退休之後大家會點樣，最好就快些退休，希望事彈一個中咗今晚頭奬六合彩，就大家一齊退休，講得幾開心，就係咁樣，六合彩開奬，跟住就埋單走人，大家明天都要開工，你知發生其麼事啦！

　　每次見面大家都講得好開心，我好珍惜同佢地嘅友誼，人生在世，知己難求！