輪住0黎嘔

第一男主角:  靚仔B
上星期四
當日係我家附近的"高島屋"一連四日的首天大減價大日子, 一早起床靚仔B仲食0左好大份早餐, 唱住歌仔上學去, 我自己就計劃送0左呀仔返學, 就去麥記食個早餐先, 要博殺先要補充體力, 食完早餐去到車站, 嘩! 大和呀太從四方八面0甘湧入高島屋, 今年咩事呀?! 證明真係經濟不景呀, 大家都都等埋大減價0個日先0黎買0野, 呢邊又封路那邊又封路, 0吾理喇跟住D大和呀太殺呀, 殺到入去正想緊去邊間shop好, 手提電話響, 學校打0黎話靚仔B在課室嘔到一地都係, 叫我去接佢返屋企, Oh no!!  今朝都好精神架, 即刻轉頭走喇0吾殺喇!

十五分鐘後去到學校, 靚仔B換0西衫褲鞋襪等緊我, 仲話自己ok無事, 返到屋企, 睇0左套電影, 好似無咩事0甘, 仲話Miss借俾佢套衫好靚, 睇完戲就訓喇, 訓0左個幾鐘起身開始病發, 一起身就開始嘔, 一個小時內嘔0左五次, 即刻要去睇醫生, 好彩當日無咩人不用等, 醫生問俾番上次D藥得0吾得, 大佬你先係醫生wor, 我想一想即刻話"今朝我都有俾呀仔食上次D藥, 但都照嘔呀醫生!",  0甘醫生話止嘔辦法有兩個, 一係用塞肛門藥, 一係就要點滴(好似吊鹽水0甘),  點滴一點就要兩個鐘又痛, 梗係揀塞肛門藥快啦!  幸好今次靚仔B好合作俾我塞藥, 話都無0甘快一塞就精神0西, 好番喇!!  

第一被傳染者:  靚仔爸
上星期六
上午兩父子在屋企附近踼波, 踼完休息0左一陣又去飲茶, 飲茶時靚仔爸已經話個肚0吾舒服, 食完即刻驅車回家, 跟住一齊訓晏覺休息0下, 又係訓醒病發喇, 今次靚仔爸係肚瀉先, 嘔0左一次, 我識0左佢十幾年第一次見佢嘔, 瀉0左五六次要去睇醫生喇, 但星期六晚要睇急症, 去到曾經睇過急症的一間醫院, 點知個護士出0黎講0左一輪0野, 意思都係今日0吾接急症, 0下! 0甘點呀? 邊到仲有急症睇呀? 個護士又講一大輪, 0吾好浪費我時間, 俾個醫院名我啦快, 我老公已經軟0西仲要駕車, 我要左個名, 襯老公去緊廁所, 即刻打電話俾個friend, 叫佢上網幫我個check地址, 好喇終於有醫生睇, 老公點滴0左兩小時, 靚仔B好乖陪住我地, 無事返屋企喇!

第二被傳染者:  我靚仔媽
星期日
上午食完白粥同姑姑開會, 仲話自己千其0吾好傳染到, 0吾係無人照顧佢地兩個, 點知又係訓晏覺啦, 訓醒病發喇, 訓醒係晚上六時許, 個胃開始頂住頂住, 知自己中招, 到十一點幾仲係0甘, 唯有食住靚仔爸D藥先, 跟住去訓, 但成晚都訓0吾著, 個胃頂到半夜三點幾個人忽然間凍0西, 嘔0左一次舒服D訓到第二朝, 靚仔爸都無返工, 送完靚仔B返學, 我地兩個再去睇多次醫生啦!

醫生話最近有很多人都中0左從腸胃侵入的感冒菌, 大家要小心D喇, 保重身體呀!
現在靚仔媽一家在休養中!!