人生的第一Game接觸---Doom

近排...我突然將隻好耐無玩的Doom(毀滅戰士)拎出黎Install，
係懷念id Software的大作...同時我亦諗起...Doom就係我人生首隻玩的PC-Game。

DOOM, id Software　(1993)

DOOM II, id Software　(1994)

我第一次玩Doom果陣時只係一個小朋友(若無記憶錯誤...)
由於我天性比較細膽，所以對於當時的我...
Doom係一隻好恐怖的遊戲(當然...宜家我最驚的是Silent Hill...)
以前...玩E1的頭幾關都還可以...
不過之後果d就唔敢玩...(小時的我真可愛XD)
雖然一直想學到好似Demo段片咁...打到出神入化...
但往往最後都唔敢玩落去...
到宜家...要玩Doom如神技已經唔再係難事
當Doom Legacy出現...遊戲控制再唔會好似以前咁難...
移動同瞄準都相應優化...
時代的確係唔同了...

Doom係我遊戲生涯裡面並唔係佔好多...
無論細果定係宜家...其實我都好少玩...
不過遊戲係系統設計得幾好...
地圖上...以數學公式做出^#擬似3D場景，加上光源，高低效果。
可以話係當年出色之作。
遊戲難度恰到好處，唔會出現屈死同被屈死的情況...
敵人力量平均不錯。死都只會係比人圍死。
武器方面，以舊式FPS黎講...
武器的所屬數字鍵越大就表示越強。
在Doom世界中，總共有^##9款武器。

赤手，#1，攻擊力最弱，可以話係無使用空間。
電鋸，#1，攻擊力一般，對弱的怪物十分有效。
手槍，#2，攻擊力弱，可以話係象徵式存在。消耗Ammo。
單管散彈槍，#3，攻擊力一般，一槍可造成8彈痕，對付一般怪物易如反掌。係Doom的常用武器。消耗Shell。
雙管散彈槍，#3，攻擊力頗高，一槍可造成20彈痕，對付較強的怪物亦有明顯效用。消耗Shell。
鍊炮，#4，連射攻擊力一般，可以話係手槍連射版，所以對強敵效率低。消耗Ammo。
火箭炮，#5，攻擊力高，對付強敵或一群小卒非常有效。使用不當可斷送性命。消耗Rocket。
電漿炮，#6，攻擊力高，連射式武器。特點係高耗彈量。消耗Cell。
BGF 9000，#7，攻擊力最高，擁有全遊戲最高威力，對付任何敵人都非常合適。但每一發需要40單位Cell。

Doom大概係FPS界的長青樹吧...
就算時間都過左咁耐...
但Doomer仍然係有增無減
或者係因為Doom系統無其他FPS遊戲咁複雜吧~

^#毀滅戰士不是真正的三維空間環境，它們仍然呈現（數學上的）平面，只是隨後加上的高度參數讓遊戲引擎來產生高度差異（一個相似的技巧仍然被用於產生龐大的戶外環境圖形的情形）。這給了毀滅戰士設計上有一些限制，例如遊戲中並沒有樓層的體現，因為不可能使一個房間之上還有另一個房間。 by Wiki

^##在Doom 1沒有雙管散彈槍的。