星期

hey~~~好耐無見.其實都唔係好耐je.都係幾日.即係我呢幾日就好忙.打唔到blog.而家出返都係好正常呀..

呢排最hit唔使講.一定係真林狗個show.講真地真係好睇..本來我係睇完第一晚個時.我真係覺得好悶.悶到我真係瞓著左..可能係佢將d對白拉長左黎講.就好似係到拖波鐘..所以我真係堅瞓著左.瞓左個幾鐘...但係到第二晚.係未開sow個陣.我就照樣出去廣場到坐.等到8點鐘.睇維港燈著..係我等d燈著個陣.,一定會有d少女走黎問我借火機.而其中一個少女係問我借火機個陣.就同我吹左一陣水.可能佢d朋友又未到.又見我係工作人員就同我吹兩句.咁當然佢一定問我好唔好睇..由於第一晚個陣我真係覺得好悶.所以咪同佢講頭一個鐘同尾個陣就好笑..其他就.......唔知啦..因為我悶到瞓左..個條女聽完之後個樣即時變哂...咁又係既佢都未睇.我就話好悶..咩心機都無哂啦..

咁好啦.又到開場..今日就有驚喜啦..絕對估唔到.今日真係好睇左.其實d對白就一樣.但係就無拖長黎講.第一日就明明講11點20分散場.但係第二.三.四日之後都係10點40分完場..好明顯佢都知第一晚係悶左.可以有d人就話有無攪錯呀咁早散場..但我就覺得貴精就不貴多..

等我都係咁2講兩句佢d精彩對白啦

而家呢個世界好多人都有一樣野.佢地既內心都充滿{負能量}.

{負能量}呢家野真係唔講得笑.前幾日報紙都有賣.一名中年男人.因為充滿{負能量}.而自殺..多數負能量既人都有樣睇.成個{負.能.樣}咁.佢地個樣多數都成個苦瓜咁.無黎笑容...之但係呢就係因為太多人有負能量.所以呢我就覺得我呢d充滿正能量既人都要出黎做d野.大家一睇就知我個樣.充滿正能量..成個樣出哂黎.咩樣.咪就係{正.能.樣}囉..

拿..幾時都話少林功夫+唱歌跳舞係有得做架啦..而家仲要開到黎紅館..堅呀

好啦.又到星期二.今日就要帶啊芷晴去健康院打針.打佢支一歲針.同肺炎鏈球+強針.即係一日之內打兩支針.陰公.一定痛死芷晴...好啦.去到健康院.攪好哂d野之後就打針.係等打針個陣芷晴就瞓左.就算去到打個刻佢都仲係瞓緊..我有諗過叫唔叫醒芷晴好..因為我見個個bb打完出黎都喊到飛起..所以我都係決定唔叫..就係咁.支針一拮落芷晴度.芷晴夢中成個醒哂..我覺得佢第一支仲頂得住..但係由於打兩支既關係.第二支芷晴都黎了啦.咁又係既.無啦啦俾人左右開弓.唔喊就出奇啦..好彩芷晴都好快收聲...但係問題就係等今晚.因為打完呢支一定會發燒...我同老婆都因為今晚做好準備...

到夜晚9點到.芷晴真係開始發燒.100.8度..但係我地有哂準備.所以..無事...只係有d唔夠瞓je..

昨日我收到妳既月餅啦..多謝哂妳既心意..好食

我既手傷就快好返哂.可能book場打羽毛球

仲有既係.俾d紅館提示妳地..

多數d明星開show.都係8點半先開始.唔使咁早入去等...

無論幾多歲既小朋友都要買飛入場.包括手抱.