又一個relax既星期日

星期日既一早, 我一家三口唔連弟弟, 同埋外婆, 兩個大細姨同我肥表弟, 就出現係深圳<金悅軒>, 有咩可以使我一大早起身長途跋涉?  之唔係吃囉, 我最喜歡呢間酒樓, 大家可以參考下我同迪爺之前既骨精report, 之前王公子仲醒左我成叉野叫我埋單, 嘩, 好豪呀!

因為太肚餓所以係酒樓無影過相囉, 以下相片都係我地飲飽食醉之後係車到恰眼訓影既.

係埋單時我同我富婆外婆爭俾錢, 多謝四百幾, 超抵, 我心諗仲有五百幾蚊可以落格!   我同外婆話我的肥仔要請飲茶, 亞婆就話要請就叫佢黎請!!! 好野, 一千蚊袋袋平安!!!!

大家睇我外婆既氣勢!

靚姨姨被偷拍

我都入鏡笑下先!

Uncle占士發現左我一路楂車一路影相啦!  係過關時, 香港入境處位職員忽然問左我一條奇怪問題:

黃小姐, 你知唔知後面載左幾多個人呀?

我:  下? (你唔係見到我死鬼外公呀嘛, 我心諗!)

員:  你擰去後面數下

我:  白痴洗鬼數咩!!! (呢句我心諗姐!) 5個囉!

員: 唔該晒你黃小姐! (跟住佢就俾返晒全車人D証件我)

我真係唔明佢做咩咁問我呢?

飲完茶同媽行左陣街, 就返家訓, 訓到成六點幾七點先同我HONEY係TST又行街, 行到成十點幾先食野呀陰公!  想食果D地方都閂左門lu, 所以要去watami!

兩條友都食左成四百蚊, 大食!!!!

honey芝好喜愛食條狀物體呀!