音樂拍子盲出場

我有一個唔太影響到我生活既弱點, 就係音樂同節奏盲.

我連唱K都可以唔知自已唱乜果D人, 我唱果時全靠係記憶.  同念口講呀, 背書差不多原理, 最幣既係我連自已個"0必"錯左都唔知架, 仲以為岩晒!

NDS同以前GAMEBOY都有個節奏GAME, 平時好似懶醒咁既我, 到左呢個時候唔知點解會變得特別遲鈍........  輸左仲要賴個GAME錯既!

成日話想搵樣樂器學既我, 每隔一段時間就會提一提, 我身邊有位熱愛音樂既男朋友肥子, 佢呢幾年曾經係咁E教過我彈鋼琴, 彈結他, 打鼓, 吹口琴.............當然我無樣學得識! 你地應該會好驚嘆點解可以連彈琴都可以學唔識, 都係睇住個譜跟住彈之嘛!  係呀, 我彈到DO RE ME架, D拍子彈Q錯晒之嘛!

有次佢教我彈幾粒音咁和佢結他, 真係幾粒音咋, 都可以彈左成日都無次入得岩, 真係好強呀!  

話說尋日我地睇睇下D樂器, 到最後我話要吹色士風又或者長笛咁啦, 好型架嘛, 跟住佢條友面有難色咁話, 你一定唔會學得識架!!!!!!!!!!!!!  跟住佢指住個三角叮, 你....你買呢個啦, 呢個你實識架! 

最後, 買左沙鎚, 肥子一路幫我數拍子, 我就搖!!!!
一, 二, 三, 四........... 一, 二, 三, 四............. 一, 二, 三, 四..........好, 你自已黎啦!!!!!


到我自已時,  一........二三.....四...........一二.........三....四...........

肥: 嘩, 點解錯晒架?

我:  下? 邊有錯喎!


肥:  呀, 不如搬我屋企個鋼琴去你屋企啦, 都係唔好, 你實放晒D野食係個琴上面係咁食!!!!!
(咁都俾你估中添! YEAH! )

我:  唔好搬黎呀, 舊陳皮唔襯我屋企喎! 哼!

(其實係怕第時D姨媽姑姐黎到見到個琴叫我表演下, 跟住原來我唔識, 咁咪柒!)

肥:  咩舊陳皮呀?  個琴買左成三十萬架!

我:  嘩, 咁仲唔咋咋林搬過黎教我彈琴!!!!!  三十萬買個鋼琴你屋企痴左線咩!? 唔怪得之你地而家咁窮啦! (我心諗!)



肥:  .......................... 搞錯!!!! (仲指住我咁大膽!!!!)


上次我話要學鋼琴之唔係因為睇左隻MAKSIM DVD囉



之於結他, 係因為以為好易囉!!!!