反海嘯大閘蟹宴

好懶呀! 好懶呀哩排! 今日不得不能POST下D野比大家睇, 如果唔係你地唔再入黎, 典扇...........

昨晚同幾個朋友齊齊去擦大閘蟹餐, 查實計埋禽晚, 今年我都食咗4次大閘蟹

平時嚮屋企食大閘蟹就食得多, 不過出街食蟹餐就第一次, 反正都係食, 就食豪D...........不過講真食到一半都已經好飽啦, 仲比人狂隊啤酒仲飽上加飽TIM, 之但係個餐又實在唔錯! 可以一試!

先黎杯花鵰先.......不過冇話梅, 所以幾辣下但可以入喉

等咗好耐終於有得食啦! 每人兩公一后, 蟹公好食好多!!! 不過講真, 都係自己去買正D, 但計個價錢就算係咁.

再黎係蟹粉燴翅, 好夠熱, 好好味

蟹粉燴帶子王, 隻帶子好大隻, 味道就一般, 但個汁好得, 食完依個都已經有7成飽

蠔汁遼參鮑魚, 遼參我就冇食, 因為覺得佢太核突, 個鮑魚雖然細細隻(約打平2個5蚊銀咁長), 不過幾有鮑味, 幾"痴"牙, OK (嘻嘻, 我偏愛鮑魚)

竹笙上素卷, 個汁加竹笙都OK, 因為太FULL, 所以冇食到個素卷, 朋友話 : 一般付皮卷咁, 冇特別

蟹粉小籠飽, 一人得一隻, 不過真係好好味, 唔使加醩, 一D蟹腥味都冇, 仲有好多湯汁, 可以再ENCORE就好啦 

幾飽都好, 見倒個糯米飯都要試下, 唔使加豉油都好夠味

* 最後仲有個甜品, 杏汁蛋白燕窩, 唔係好甜, 不過當然D燕窩份量唔多, 但個味道OK架, 之不過掛住食, 唔記得影相TIM.......

諗諗下依家都想食蟹, 正呀!