澳門遊

去完台灣冇幾耐, PHILIP又話想再去玩嘞! 目的地係"澳門", 兩日一夜全包, 冇錯, 食嘅係PHILIP包哂, 多得D波仔喎........佢幾時又再嬴波仔呢

*亦多得PHILIP嘅口技, 我地間房可以升級去豪華套房, 正!

間廁所仲有落地玻璃TIM...........好好FEEL呀

CHECK完IN就搭車去咗"大利來"食個豬扒飽先, 真係好好食呀

原來"大利來"嘅咖哩牛腩麵都好好架

跟住行去文記買旦卷同咖哩卷

再去晃記買埋迷李杏仁餅

買完野行咗一陣就番酒店, 跟住去"順德公"食晚飯, 我地食咗個砂窩鮑翅.......不過掛住食, 唔記得影相, 希望下次有機會再食過, 影比你地睇

*第二朝, 我地去咗大山巴, 話哂黎澳門, 點都要影下相

阿闊同阿扁到此一遊

跟住去咗"梓記"食牛什, D牛什真係幾好食, D牛膀好"淋", 加多碗牛根麵

晨早流流, 佢地叫咗個羊腩煲..........未試過一早打邊爐

食完再行去禮記整支"紅豆雪條, 我仲以為條雪條係用紙黎包架TIM.......不過都幾好味

朱古力雪糕磚

食完之後我地行去漁人碼頭, 再行去碼頭搭巴士去威尼斯觀光下啦

D哥哥仔唔係真係"撐"船架, 不過佢地唱歌又幾好聽架

行行下又食野, 個漢堡飽我覺得一般, 唔特別,  加埋杯COKE盛惠$70大元, 可以不試

但係個燒日式八爪魚丸就VERY好味, 記得要多啲 BB醬呀

食完影埋張相就搭船番香港嘞又2DAY

後記 : 搭船番香港嘅時間發生段小插曲, 話說我地隻船行行下話個引擎比垃圾"KICK"住, 要回航咁話, 我地大家都嚮度諗, "唔係嘛, 阿呆Ｄ黑氣已經擴散得咁大???" 心諗, 唔係要12點至番倒去香港呱？不過行行下, 船長又話 : "依家D垃圾已經清除咗, 我地現正全速到香港" , 玩咩?!