雜質

我一向覺得如果有一樣事物

可以令你不計較付出

純粹因為你中意而做

係一件好開心既事

好似有人中意畫畫

d畫唔係要黎賣或者賺錢

但你都樂意去用時間去畫

係一件賞心樂事

就好似中意一個人

如果不計較任何虛榮感, 好處

只係純粹為中意

你都肯同佢一齊, 係一件好幸福既事.

我想講既唔係話純粹為錢同一個人一齊

而係唔多唔少  人都會為對方條件而去同另一d選擇作出比較

可能a君俾倒你地位, 或者佢職業高尚, 但你對佢只有50%既愛意

而對b你有70%, 但佢咩都俾唔倒你

往往好多人都會揀a..

呢d就係所謂既雜質

90%入面, 40%建立係雜質上

對其他人, 好似屋企, 豬朋狗友好似可以有個交代

但對自己呢?

為左40%雜質, 放棄70%既愛情,, 究竟化算嗎?

當天使被折翼放進地球呢個籠牢入面之後

根本就已經失去自由

往往為左交代,, 將一件普通既事加入雜質

我只想安居樂業

要安居就要錢, 要錢就要返工

要搵工就要讀好書

讀好書就要由細到大放棄哂玩既時間

由幼稚園到依家都要勤力

但我唔覺得我宜家好快樂

我甚至已經忘記左我為左乜野而努力..

今日有人問我做咩要做事件a

我答因為事件b, 而事件b為左事件c

事件c為左.....

我心中一片茫然...