搞掂間屋先~

自從月中15號攞咗鎖匙到而家, 都未停過手執屋,

加上呢排我哋自己又多嘢忙, 真係好攰呢~

所以到而家都未搞掂間屋, 不過都係差d濕濕碎碎嘅嘢,

好似d碗筷同埋d小電器小用具咁...櫈呀咁...

所以其實阿賤已經搬咗去新屋瞓喇~

不過d濕碎嘢都幾麻煩架, 好似買極都漏咁...都唔知要買到幾時...

同埋始終都係未搞掂張梳化呀, 究竟買唔買過張新嘅好呢!?

不過就算點樣個L邊都係要唔到架...唔夠地方擺呀~

今日仲行過大坡坊, d嘢真係平好多喎~

雖然我係要等到結咗婚之後先至正式搬去新屋,

但係媽咪話其實而家都可以執定d嘢過去, 等過咗大禮之後,

就可以大件大件咁搬埋剩低果d, 唔係結咗婚趕頭趕命點搬呀~