翠風小廚

只是三個星期，只是無見Harvey三個星期，他突然瘦得好緊要. 塊面"粒"哂入去．

佢話自己係公司無落鋪幾個月，上次一落去，同事都細細聲問佢，係咪有咩病．

佢真係瘦到好似有病，可能突然有瘦咗20磅，而且好黑，又好大眼圈．

但當然佢唔係有病．佢之前8月開始跑步節食減肥，一路都有keep住減到，不過今三個星期，直線瘦得很厲害．佢已經發展到每朝五點半起身跑步，每日100 分鐘，日日如是．實在太有恆心啦．點解我就仲係咁肥，就係無恆心！他說他的BMI 還未達標，吓，瘦到面都"粒"哂入去都未達標！！BMI 都好嚴謹窩．咁我可能勁超標．

同席還有 Sunny，奶龍， Sunny上個月結婚，好似係奶龍做伴郎．不過又唔見佢地多講，又唔多似．佢地話婚宴上施永青都有來坐了一坐，Sunny在北京道一號一間酒家擺酒，要年半前定位，但酒家不是太特別．而且不太大，最多都只有廿幾圍．令到我好想知呢間係咩酒樓，要排咁耐隊． Sunny工作已經勁爆數，呢幾個月都搵唔少，紅光滿面呢．

本來上個月應該舉辦的海鮮大餐，終於都有機會重辦了．地點更改為 Sunny屋企．Harvey說他可以煮，而我同老公同奶龍可以先買料．奶龍不斷問Harvey份量，又問要買什麼，看來他真的未去過街市．反正有個概括，到時去到街市再看有什麼好便買什麼啦，現在想太多，到時都不知難不難找．

黑草羊腩煲($88)

9菜豬紅 + 豬耳 (各$30)

蠔仔粥($35)

粉絲蒸扇貝($68)