哈佬喂2009

噚晚終於去咗哈佬喂啦......不過今年我係一啲都唔驚囉......全晚笑多過驚......玩第一個鬼屋個陣......有一part係話問米......阿妹真係扮羅蘭問米......勁扮枱......跟住比人叫唔好扮枱......哈哈

其實全晚真係好好笑......等埋大佬Jim到之後......我哋一行8人就去咗集古村玩......等個陣都洧洧地......但因為我比大佬Jim鉗住咗......結果我同佢係行頭......我哋兩個専企係啲情侶後面......睇人哋啲反應......真係笑到爆......啲人超級驚......好似去打仗咁......行前一步又退返兩步......未行就驚咗先

我入到去又真係一啲都唔驚......為咗配合劇情......啲鬼出黎嚇個陣......我就問返係咪要叫架......係咪要驚架.......如果啲鬼答係......我就吸啖氣.......跟住叫......哈哈......啲鬼話好在戴咗耳塞

我哋入到十三號警館......勁同啲鬼sir敬禮......阿will又問......阿sir你做乜守棺材呀???阿sir你點死架???你係咪死得好慘架???玩到唔願走......啲工作人員係咁叫我哋行啦行啦

玩鉄路驚魂又係搞笑......一入到去......我同大佬Jim就入埋同隻鬼講......我哋想增值......仲認真咁拎錢拎八達通出黎......哈哈......結果又係比工作人員趕我哋向前行

好在我哋之前係買fast pass......8個鬼屋我都哋都到6個......算係咁啦......雖然都係要排隊.......但就唔需要排好長時間.......一般大約都係排15分鍾左右啦

最後我哋玩到12點鬆啲就要走啦......因為人家要收工啦......我同阿妹就跟大佬Jim架白色跑車走人......好型呀......唔洗一個鍾就返到屋企......勁呀

依個演員原來係扮判官...

啫喱 : E...你扮乜架???做乜你拎住咁多紙袋?

演員 : 紙...袋...???生死冊你話係紙袋~~~

依個演員唔知佢扮乜...但我同阿妹就係咁同佢講我哋好熱...叫佢個頭同我哋扇涼

馬面人...好大隻呀

依個演員隻角好"立"

依隻鬼全晚係唯一一隻...比我嚇返轉頭...因為佢見我唔到...我突然衝去佢面前...哈哈...跟住我就叫佢同我影相...我個手掌同骷髏手掌有得figh

火燭鬼呀

我同大佬Jim

口才班同學仔