婚紗背後

另一半過左黃金周又番黎大阪啦,

又可以玩煮飯仔,

今次佢出一招"豚汁"(ton jiru),

材料好足,又有愛心同誠意,

個樣好似唔係咁靚仔,

但係一入口就感覺好好味,

好溫暖呀!

又由於佢有幾日留係度,

所以我地走去試婚紗,

因為係結婚會場推薦既地方,

當然率先試下有冇0岩心水架啦.

位於"心斎橋",

另一半試左五套婚紗,

四套color dress,

係結婚party裡面,

佢會換一次衫.

前半部婚紗,

後半部color dress.

見到佢著每套都好靚,

真係唔知點揀,

而且我地分別都好感動.

係人生裡頭大家都走過唔少路

慶幸找到將來共同生活的另一半,

終於都可以行到呢一步,

好感觸呢!

(終於我另一半出場啦!!!!)

最後我當然都有份試,

一早我就大概有啲想法,

相信紫色好0岩我,

果然一如所料,

好正,好fit!

今次只係試一試,

並唔可能下決定,

最重要係要計下價錢.

一套婚紗 + 一套color dress,

再加我既一套,

租一日要40萬日元呀,

係香港造一套又要幾錢呢?

今後就係我地要計既野啦!