失敗之作

嘗試整個 Tiramisu, 失敗左, 不凝固, rum酒味太重, 手指索咖啡rum酒唔勻稱.  先看我參考的 receipe 先:

最近往意大利，印証傳統正宗意大利風味 Tiramisu是軟的，比較適合大家口味。香港式商業Tiramisu ，加有魚膠粉令蛋糕較硬，賣相更佳。不過都是喜歡傳統風味，因為芝士味更濃，口感更好。不妨試試這個食譜吧！

材料（八至十人份量）
Mascarpone Cheese 500克
蛋黃 3隻
蛋白 3隻
細砂糖 5湯匙
手指餅 (Lady fingers)  12條
濃黑咖啡 (室溫espresso) 1杯
Aramatto 酒 (意大利杏仁酒) 5茶匙
雲呢拿香油 1茶匙
冇糖可可粉 適量

1.  先準備濃黑咖啡，待涼。蛋白打至企身，備用。 [   老子的蛋白打唔到企身; 開始只發到起泡, BB話唔O岩, 我打完蛋黃無清潔乾淨再打, 原來有雜質就打唔起]
2. 蛋黃加砂糖用電動打蛋器打至忌廉狀，拌入Mascarpone 芝士混合，加雲呢拿香油攪勻。將蛋白伴入芝士混合物。  [ 老子嘗試替代 Mascarpone 芝士:  200克忌廉芝士用拂蛋器打成糊狀，1杯鮮忌廉打鬆後一併加入拌勻; 顏色唔似, 兼較多粒粒, 應該打唔勻]
3.  將咖啡和Aramatto 料混合在容器內，將一半份量的手指餅獨一條一條快快放在容器內沾上咖啡液，舖平在蛋糕模底。   [   老子放得太快, 手指中心索唔到溶液, 太慢真係會散晒, 淋晒]
4.  將一半芝士料倒入；再舖上另一半手指餅，重複掃上咖啡糖漿，倒入餘下所有芝士料舖平，放入雪柜至凝固，吃前最後洒上可可粉即成。   [   老子嘗試加入魚膠粉, 加兩份冷水後攪勻已成膠糊狀, 倒進芝士料同打都唔溶, 所以最後唔凝固呀.  加熱的話又怕使忌廉起粒(BB的經驗)]

失敗之作, 所以相片欠奉.

整餅真係唔容易呀!!!!!!!!!!!!!!!!!!!!!  

總結經驗, 請高人賜教:

1.  蛋白打至企身, 一般要打幾耐?  高速定慢速?

2.  點使到手指索溶液索得均勻?  同埋街買的唔會見到一條條手指架喎, 點做到架?

3.  魚膠粉應當點處理?  加幾多水?  點溶入芝士料?

Likie 高達係每次戰鬥後, 佢懂得分析作戰情況, 自我完善, 人都應該係咁.