不知為何? 哭了~

今日下午同平日一樣同同事去飲茶, 一樣的話題 - 數臭"腦細"!

聽著聽著, 自己竟然哭了, 都叫自己忍著, 以免食都食得唔安樂, 結果都係眼淺  不過同事們都習慣了~ 唉! 阿良還說不值為"腦細"傷心!  我是為佢哭嗎?  不知道?  可能有其他種種因素加埋, 覺得自己一個人改變唔到全世界而無奈地哭起來吧!

DOL3年有多喇!  真能心淡?  當有一日想哭也哭不出來的時候, 我想我真的心淡了!  對DOL每樣裝修, 擺設, 貨品, 狗仔, 同事, 親手建立的file&rules都產生感情!  但是每一樣都在轉變, 今後, 工作地點還要變!!  盡管一一的不捨, 只好接受這些成長的無奈!

回想3年前同Josephine, Akiko一齊開業, 努力打拚!! 果種感覺真難以形容, 哭了也是開心!!  好想但好難再找回這種特別的感覺!!  不斷地轉換工作的partner, 他們都比不到這種感覺我.  當Akiko都離開的時候, 當不在親手建立的基地上班, 當小人當道/好同事不再為公司拚搏的時候, 我還有什麼留戀呢?  唯一不變的但最想佢改變的係"腦細" - 一個最寵我卻使我哭得最多的上司!!  幾時先不再係"腦細", 變成有領導能力的boss?  唉! 徒言!

又回想每一次resign每一次都不捨得地哭, 自相矛盾! 轉工係想加人工, 轉工又想有多d同事, 轉工係唔想自己做最後離職的一個, 今次又拿什麼作藉口呢?  每一次轉完工都有得有失, 今次又想得什麼而失了什麼呢?  如今還未弄清楚?  現在只想戒掉愛哭的習慣!!