網誌分類：道不盡的鄉愁 |
剛剛從老家返到來呢個家(阿媽強調呢度都係我屋企，真的嗎？)，時差未過，心情複雜。
真係好唔捨得香港家人，好幾次忍左吞番落肚既淚水終於響下晝裝電腦炆炆地時趁機爆發出來，全靠皮雅既耳朵和肩膀幫我手收拾殘局，之後佢建議我打多一通電話比阿媽聽下佢把聲，果然令我舒服晒。
返香港前諗呢樣諗個樣，去邊度玩去食咩野去買咩野…
倒頭來，來來去去日頭都只係想去陪阿婆，夜晚就總愛留在家食屋企飯；
要食好野，都係想同屋企人一齊，食咩都咁開心；
講買衫，原來我只想要個電腦和書本，為心靈「添衣」；
講掃貨，之前穿著來來去去那些衣物一年咪又係咁過，發現我最想得到既野係無價寶 - 自己同家人身體健康。
多謝各位家人好友既愛和陪伴。
宜家未有改變現狀的機遇，硬著頭皮都要努力活下去啊。
＼\傻女＿*舞\／ 2009-07-16 10:17
好耐冇來睇你la/....^^
好掛住你個blog
思聰2009-07-17 21:38
小蠍師妹 2009-07-06 09:53
思聰2009-07-07 17:55
多謝你呀!!你真好，我地一家要keep住聯繫呀!!!!再次多謝你，真係好開心認識你。
開叔叔 2009-07-05 17:28
思聰，我同你開舅父返左黎啦! 不過，你返左意大利lu
...又要等到下年新年先至再見到你lu....不過，今次唔駛等一年咁耐......
首先，要多謝你既茶葉呀!
有玫瑰花同桂花....正呀! 多謝你呀! 跟住，講下我地既威尼斯人之旅，間酒店真係好正
，之後都好難到再住到好過呢間囉.....至於食方面.....安排得好好....唔會飽得好誇張.......
至於，我地既日本之旅....都ok啦! 團友由2歲(小魔怪)至60幾歲....哈哈....至於收獲....都ok啦!....有機會再去啦!....我買左綠茶粉諗住送比你....但返黎睇下先知.......到你返香港既時候.......已經過左期.....
p.s. 開舅父叫你搵d野做，煮下飯，種下野，搵d細藝.....
阿婆叫你睇下奶奶煮飯....學下煮飯.....拔下草喎....
思聰2009-07-07 18:08
嘩終於開到呢個網來覆留言！等左幾日，離晒譜！
多謝多謝，同你地一齊實在係人生最開心既事。好開心你鍾意d茶呀，唔駛客氣呀，好野齊齊分享嘛。威尼斯人真係好正呀，今次食野我都覺得唔會極飽，否則我一定會暈船浪呀…不過尋日我先至同皮雅講，好似覺得響金沙其實應該可以再食多d，有少少後悔唔去再盡d tim哈哈哈！都係皮雅叻，臨走再食多碟魚生，哈哈哈。
綠茶粉幾時過期架？我估未過期架嘛，一定要等埋我呀！
好啦我會架喇，其實要做真係好多野要做呀，宜家花園d菜生到成個森林咁呀，大鑊喇。
Icy Chung 2009-07-05 08:53
每次去畢長途起旅行，我也有你一樣的心情，要好一段時間才好起來。加油呀！
思聰2009-07-05 12:35