病軍大食會

今日考埋口試同聆聽，結果同往常一樣 - 聆聽份卷炒左，我一早知衰…唔知點解我硬係冇心機聽呢d角色扮演，亦都覺得好煩聽唔入耳，會唔會係同我本身唔鍾意聽電台廣播劇有關係呢？(又姓賴！渣就渣啦，哈哈哈。)

試又考完，如果唔食野d時間點過好？尋日老師問有冇人會整野食帶返來，冇人認頭，可能真係病到呆晒…但到左今日果然有熱心同學提供好味野食共享。

今次專誠整野食既就係十二月整燒牛肉沙律比我地三條蝗蟲(老師、大阪同學、我)吃既京都同學，今次又係全靠佢出馬，佢真係好好心，我地次次都白吃白喝好似奉旨預左佢要下廚咁，佢又難得好人，佢整野食真是有一手的。

佢整左一大盒壽司飯呢~

其他有心人事包括：悉尼同學(提供薯片一大包)和土耳其同學(棉花糖和甜點)、老師(復活節和平鴒型蛋糕colomba pasquale)

開動了！幾樣野食各有fans，我就最支持壽司飯，不過老師和其他同學算係通吃的，手口冇停啊。

我的那碟壽司飯。=) 京都同學知我鍾意吃，裝左好多比我，yeah~ 好好味！

食到杯盤狼藉…大家在研究那盒土耳其甜點。

明明個個都嗌病食唔落，結果卻仍然好有「食」力，或者如果唔病可能就會連碟都食埋…