網誌分類：雜感 |
圖片
網誌日期：2009-05-05 17:53
我希望呢個月可以快(=迅速)、靚(=開心)、正(=充實)地渡過…速速呀唔該！
響冇買新書又冇勇氣冇欲望出街既日子，為左充塞時間，夜晚只好睇完又睇那本「任務完成」既布達佩斯旅遊指南。
其實有時冷靜下來諗諗，我覺得布達佩斯之旅令我雲牽夢縈，係因為天時、地利、人和：冇遇上旺季所以唔逼人；酒店靚服務好乃朋友重金賀禮，品質當然有保証；天朗氣晴多得幸運之神既眷顧；我咁投入係因為事前做足功課…當然該處既人和地都有魅力。
不過我覺得呢本旅遊手冊真係睇來睇去都咁好睇，因為我感覺到編者既用心：一來精美，二來詳細，由歷史溯源，再分區編撰各景點明細，圖片資料豐富，甚至有手繒地圖推薦步行路線以及立體建築繪圖介紹特色細處，當然亦不少得包羅萬有、實用、非人云亦云既旅遊資訊及注意事項。
所以本書不止是圖文並茂既指南，在我眼中更加是美麗既插畫集，冇計劃去旅行都一樣咁岩睇。
各位可以想像一下：以我咁既意文程度，都會睇呢本意文版旅遊手冊睇到入神，佢真係有d本事！
本書係倫敦Dorling Kindersley (DK)既出品，我手上既係意文翻譯本。我感受到編者既認真和用心程度差點兒直逼一向治學嚴謹既日本人，覺得香港既各位應該都會喜歡！我找遍互聯網也看不見有中文版，如果屬實就非常可惜了…假如各位書局蒲友知道此系列旅遊書有出中文版，煩請告訴我一聲好嗎？
尋晚同皮雅討論呢本書有幾好講到眉飛色舞，佢竟突然從佢既百寶箱(即佢既私人專櫃)掏出另一本都是同系統但舊版既布拉格手冊！雖是舊版但仍然精美考究，令我冇計劃去都可以借書藉神遊一番。
本書唔係太厚(起碼不是書店旅遊書架上最厚的)，但係好似賣最貴(23.5歐)，不過翻一翻就會發覺總算物有所值了。我絕非旅遊專家，只是純以讀者、用家角度出發，誠意向各位推薦，畢竟世界上呃飯食既人太多，充滿誠意既產品值得我地支持。
水晶晶@Monte Carlo 2009-05-07 20:01
中文版有'貓頭鷹出版社的書斥仔Pocket guide, 口袋圖書館,
不過不是介紹地方,如建築, 古羅馬，古埃及,城堡, 重有動物, 海洋等
分 Topic as I bought them 15 years ago. 就是看了這些書斥仔,
對別國文化產生興趣架！
思聰2009-05-11 20:09
多謝你既報料啊！
水晶晶@Monte Carlo 2009-05-07 19:43
Going to a famous place is not myu objectives for travelling, I want to know more about that place. At that moment I only lonely planet but the way they present can not satisfied my curiosity, mainly explain how to move around and where to eat.
I ve the book in France, Provence, Italy, Spain, I discovered this publisher many many years ago when I went to Europe. It was recommendated by the tour guide.
★☆Mo仔★☆ 2009-05-07 15:52
思聰:
這本旅遊書真的很高質素啊. 愛旅遊的我很喜歡看旅遊書的. 但不是像香港大部份那些"Guide book". 悶得很. 偶爾見到些遊記式的旅遊書. 我就會買的喲. 呵呵.
最近流感嚴算呀. 您們在意大利也要小心點哦. 保重身體^^
思聰2009-05-07 15:59
多謝MoMo！我盡力小心架喇，避免到人多既地方，亦都要注意保暖(呢度d人著短袖衫喇但我仍然覺得好涼啊，呢方面我絕不可以逞強-_-")。
是呀MoMo我都係冇旅行去都買旅遊書來幻想下既人來架，呢本書真係正野，如果有中文版就好啦!!!!
貓侯爵 2009-05-07 11:29
我都有睇過Dorling Kindersley (DK)出版的英文柏林版, 佢真係好圖文並茂, 又詳細註明歷史經過, 真係除左旅遊之餘, 增進好多歷史同藝術知識架! 同香港純粹講飲講食的旅遊書真係差好遠~
思聰2009-05-07 15:55
係呀你都覺得呵？佢地好鬼認真呀，冇中文版真是好可惜，我地大家都喜歡，似乎香港係有市場架喎，希望台灣的出版界諗諗佢啦！(p.s.本書d圖真是好靚呀!!)
水晶晶@Monte Carlo 2009-05-06 23:34
I also bought tourist guide from this publisher, it is very good in iillustration.
I bought English Edtion of Prague in London as we got only French edition here.
思聰2009-05-07 15:52
係呀你都覺得!! :) 唉我呢度連英文版都冇呀，我只好拿住本意文版估估下…
小白羊Petit Mouton Blanc 2009-05-05 20:11
思聰2009-05-05 20:59