終於到２００９年９月２９日啦！今日係去遺傳科覆診既日子，２００９年９月２９日９點４５分。３０幾個鐘冇瞓過，５點先瞓，攪左鬧鐘８點起身，親愛的８點５０分打電話比我先識醒，我完全聽唔到電話響囉，親愛的就打電話黎我屋企叫醒我，同我講：你仲未起身呀？就黎９點啦！我：依家即刻起身，同埋我完全聽唔到鬧鐘有響過，因為實在太眼瞓啦！之後我就妝都唔化，刷牙、洗面、換衫、帶帽就出門口啦！今日落好大雨，所以親愛的係街市出面橋底接我，因為佢唔想我比雨淋，咁當然我都有拎遮啦！親愛的大約９點半左右接左我，我諗１０點鐘到達長沙灣賽馬會診所，泊低架車係門口，就搭ｌｉｆｔ上１樓既衛生署醫學遺傳科服務，入到去吉無一人，太好啦！即係唔駛等，我係第一個睇！
攪埋ｄ手續比埋錢，填埋ｆｏｒｍ之後就見姑娘，而親愛的就坐埋一邊打機等我。等左唔係好耐就可以見姑娘啦，姑娘問我個病況，我一路講佢就一路寫低，畫埋家族圖。之後就見陳醫生，醫生叫我講解個情況佢知，咁我又重覆一五一十又講多次比個醫生聽。醫生叫我行比佢睇，又叫我蹲低再起身比佢睇。醫生：你應該唔會係遺傳，因為遺傳既話，唔會係咁樣，會係好嚴重。不過我想見埋你爸爸本人，睇下佢有冇咁既情況。我：咁如果係會有咩情況？醫生：會無力果ｄ。我：唔會呀！我爸爸跳舞架喎，上落樓梯，跑步都冇問題。醫生：但係我都要見一見佢先可以作定論，你一個月後返黎再覆診可以嗎？我：ｏｋａｙ，冇問題！咁就去返接待處排期，１０月２９日星期四３：３０分會再返去覆診！攪到大約１２點１５分左右先離開診所。咁我係出家門口之前，留左碗湯比親愛的飲，係架車飲埋碗湯，我地就去返“維記咖啡粉麵”同“公和荳品廠”度Ｅ肚！
小藍宇囧 2009-10-16 16:53
你的醫生說得很對,如遺傳應該好似我咁好嚴重..但係..我老公既父母..都係懂跳舞..但就係唔知點解..家源得了這個遺傳病...佢話當年個醫生話佢係遺傳...但又同佢呀媽說,如果你啲細路將來有事就會發出來,無事就無事架啦....所以就無同佢啲細路驗啦....
所以,都係唔好諗咁多,欣然接受結果係最好架..至少..有你男友咁鍚你,巳經好幸褔架啦...^^
Viva4ever2009-10-16 18:56
不過我依家都習慣左啦，我都冇咩點理個病，咁我當然都想好返好似以前咁，不過無理結果係點，我都唔會有咁大既起伏，at least唔好遺傳就得啦！