Rin & Jordan's BigDay

網誌分類：我的生活 |

網誌日期：2009-09-30 04:40

睇完醫生返屋企，２點半左右就瞓到６點起身，因為要裝身出門口，去朋友個婚宴，我同阿嫂等埋哥哥返黎，我地３個就８點１５分左右出門口，搭的士去旺角帝京酒店出席ＲＩＮ個婚宴。

個人好攰其實真係唔想去，但係呢個朋友真係好有誠意，不停打電話比我同埋我哥哥提我地，到時一定要早Ｄ到呀，同埋叫我地唔好唔記得呀！

係搭的士途中，收到新娘子個電話問我地係邊呀？果一刻我更加覺得佢更加有誠意，真係未試過有個新娘係咁忙既時候，都打電話比我問：你地係邊呀？到左未呀！９點入席呀！

我：差唔多啦，轉灣就到。

新娘子：好好好！咁等埋你地，一定等埋你地！

婚禮進行得十分順利，食完之後。新娘、新郎、新娘新郎既朋友、哥哥、阿嫂、我合共８人，一齊去左隔離商場既加州紅度唱Ｋ，我地３個唱到３點就走啦，因為真係頂唔啦順啦，好眼瞓。其他人就繼續留低！

祀阿ｒｉｎ同ｊｏｒｄａｎ新婚愉快，白頭到老，永結同心。